ស្ដ្រេសរឿងគេសួរអង្កាល់មានសង្សារពេក Baifern ឆ្លើយប្រាប់ត្រង់ៗយ៉ាងភ្ញាក់ផ្អើល

កន្លងមកតារាសម្ដែងស្រីស្រស់ Baifern Pimchanok តែងត្រូវបានមហាជនអ្នកគាំទ្រចាប់ផ្គូរផ្គងជាមួយនឹងអ្នកនេះអ្នកនោះមិនសូវដាច់ឡើយ តែយ៉ាងណាតារាស្រីរូបនេះក៏នៅតែអះអាងគ្រាន់តែជាពាក្យចចាមអារ៉ាមប៉ុណ្ណោះ។

ក្នុងនោះ មហាជនតែងតែឃើញតារាស្រីរូបនេះ ជាមួយនឹងអ្នកកំលោះ Nine Naphat ស្និទ្ធស្នាលរហូតនាំឱ្យមហាជនផ្ទុះការសង្ស័យថាគូស្នេហ៍លួចលាក់តែយ៉ាងណាតារាស្រី Baifern ក៏នៅតែអះអាងម្តងហើយម្តងទៀតថានាង និង តារាប្រុស Nine ត្រឹមជាមិត្តល្អគ្មានអ្វីលើសពីនោះឡើយ ដ្បិតម្តាយតារាប្រុស Nine តែងហៅនាងជាកូនប្រសាស្រីក៏ដោយ។

អស់រយៈពេល ៤ ឆ្នាំហើយដែលតារាស្រី Biafern ទុកបេះដូងឱ្យនៅទំនេរ និង ប្រកាសជាសាធារណៈថានៅ Single។ យ៉ាងណាមិញ កាលពីពេលថ្មីៗនេះ ក្នុងកម្មវិធី Central world Embracing Happiness 2023 តារាស្រី Baifern បានចេញមកទម្លាយពីរឿងរ៉ាវបេះដូងថា ៖ «ខណៈនេះ នាងនៅពុំទាន់មាននរណាម្នាក់មកទាក់ទងឡើយ។ ណាមួយ អាចមកពីនាងជាមនុស្សរវល់ការងារផងមិនដឹង ទើបពុំសូវមានអ្នកចូលមកទាក់ទង ព្រោះប្រកាស​ថា Single មក ៤ ឆ្នាំហើយ នៅតែរស់នៅម្នាក់ឯងដដែល»៕