មហាជនអ្នកស្នេហាវិស័យបាល់ទាត់កម្ពុជាប្រាកដជាស្គាល់ កីឡាករបាល់ទាត់ដ៏ឆ្នើមពាក់អាវលេខ ១១ ចាន់ វឌ្ឍនាកា ច្បាស់ដូចថ្ងៃ ព្រោះកន្លងមកកីឡាករបាល់ទាត់ជម្រើសជាតិរូបនេះ បានបង្ហាញខ្លួនយ៉ាងលេចធ្លោជួយដល់ក្រុម។
ក្រៅពីមានទេពកោលស្យយ៉ាងលេចធ្លោផ្នែកបាល់ទាត់ និង បង្ហាញខ្លួនយ៉ាងល្អសឹងតែគ្រប់ការប្រកួត ចាន់ វឌ្ឍនាកា នៅមានរូបរាងស្រស់សង្ហា មុខមាត់មានមន្តស្នេហ៍ ជះភាពសង្ហាទាក់ចិត្តអ្នកគាំទ្រស្រីៗជាច្រើនឱ្យលង់ស្នេហ៍នឹងកីឡាករបាល់ទាត់រូបនេះសឹងដកចិត្តមិនរួច។
ស្រាប់តែថ្មីៗនេះ ចាន់ វឌ្ឍនាកា បានធ្វើឱ្យមហាជនអ្នកគាំទ្រភ្ញាក់ផ្អើល ជាពិសេសធ្វើឱ្យនារីៗជាច្រើនស្រឡាំងកាំងខូចចិត្តជាខ្លាំង ពេលកីឡាករពាក់អាវលេខ ១១ រូបនេះ បង្ហាញរូបថតឱបថើបយ៉ាងស្និទ្ធស្នាលជាមួយនារីវ័យក្មេងម្នាក់ ហើយថែមទាំងដាក់ Caption យ៉ាងទាក់ទាញថា ៖ «Hope forever with you» ដែលមានន័យជាភាសាខ្មែរថា សង្ឃឹមនៅជាមួយអូនជារៀងរហូត។
គ្រាន់តែកីឡាកររូបសង្ហាខាងលើទម្លាយរូបថតជាមួយនារីវ័យក្មេងម្នាក់ដែលមហាជនយល់ថាជាសង្សាររបស់លោកភ្លាម ក្នុងនោះក៏មានអ្នកភក្ដិជិតដិតបានបញ្ចេញយោបល់អបអរសាទរដល់ វឌ្ឍនាកា តែក្នុងនោះលោកក៏ធ្វើឱ្យនារីៗជាច្រើនខូចចិត្តផងដែរ៕
