គូនេះស្វីតខ្លាំង! Toni ដឹកដៃភរិយាទៅសាងស្នេហ៍នៅលើកោះហាយសូរនេះ ហ្វេនរម៉ិករមួលខ្លួន

អស់រយៈពេលជាង ១ ឆ្នាំ ហើយដែលតារាប្រុសរូបសង្ហា Toni និង តារាស្រីស្រស់ Kao បានរៀបការជាមួយគ្នាក្លាយជាស្វាមីភរិយា។ ទោះបីរៀបការមករយៈពេលជាង ១ ឆ្នាំទៅហើយ តែតារាប្រុសស្រីគូនេះពុំទាន់បង្ហើបដំណឹងថាចង់បានទាយាទស្នងត្រកូលនៅឡើយទេ។

ជារឿយៗ គេតែងឃើញប្ដីប្រពន្ធគូនេះបង្ហាញភាពផ្អែមល្ហែមលើបណ្ដាញសង្គមមិនសូវជាដាច់ឡើយ ប្រៀបដូចជាគូស្នេហ៍ថ្មីថ្មោងអ៊ីចឹង។ តួយ៉ាងកាលពីពេលថ្មីៗនេះ Toni និង Kao បានកាន់ដៃគ្នាទៅសាងស្នេហ៍នៅកោះ ម៉ាល់ឌីវ ដែលជាកោះមួយមានទេសភាពស្រស់ស្អាតមានទឹកសមុទ្រថ្លាឈ្វេងឆ្លុះដល់បាត។

ជាមួយគ្នានោះ តារាប្រុសស្រីគូនេះក៏បានថតរូបស្វីតភ្ជាប់ទៅនឹងទេសភាពដ៏ស្រស់ត្រកាលដែលនាំឱ្យមហាជនឃើញហើយលួចច្រណែនពីក្ដីសុខរបស់ពួកគេ។ ទន្ទឹមនឹងការធ្វើដំណើរកម្សាន្តលើនេះ មហាជនក៏រំពឹងថាពេលត្រឡប់មកវិញពួកគេទាំងពីរនឹងអាចមានដំណឹងល្អដូចគ្នា ដោយហេតុថាអ្នកទាំងពីរក៏រៀបការមកជាងមួយឆ្នាំហើយដែរ៕