អធិកអធមណាស់! ទីបំផុត Ma Prang ចូលរោងការហើយ និងអញ្ជើញសុទ្ធតែតារាល្បីៗចូលរួម

នៅថ្ងៃទី ១៤ ខែមីនា ឆ្នាំ ២០២២ នេះ ពិតជាធ្វើឱ្យមហាជនអ្នកគាំទ្រមានការរំភើបចិត្តជាខ្លាំង ខណៈដែលឃើញតារាស្រីស្រស់ Ma Prang Vira បានកាន់ដៃមនុស្សជាទីស្រឡាញ់របស់ខ្លួនចូលរោងការតាមបំណងប្រាថ្នា។ កម្មវិធី អាពាហ៍ពិពាហ៍នេះ ត្រូវបានរៀបចំឡើងយ៉ាងអធិអធម និង មានភ្ញៀវចូលរួមជាច្រើនបានផ្ដល់ជាកិត្តិយសក្នុងថ្ងៃមង្គលរបស់ពួកគេ។

ជាមួយគ្នានោះ គេក៏ឃើញមានមិត្តសិល្បករថៃល្បីៗ ជាច្រើននាក់ក៏បានចូលរួមផងដែរ ក្នុងនោះរួមមានតារាស្រី Mint Chalida តារាស្រី Kim Berley តារាសម្ដែងប្រុស Great Warinthorn និង តារាប្រុសស្រីផ្សេងៗទៀតដែលញ៉ាំងឱ្យពិធីអាពាហ៍ពិពាហ៍នោះកាន់តែគគ្រឹកគ្រែង។

ដោយឡែក បើងាកទៅមើល សម្រស់កូនក្រមុំតារាស្រី Ma Prang វិញ គឺថាស្រស់ស្អាតដូចជាព្រះនាងម្ចាស់អ៊ីចឹងដែរ រីឯកូនកំលោះវិញ ប្រៀបដូចជាទេវបុត្រ ពិតសក្តិសមគ្នាឥតខ្ចោះ។

ជាមួយនឹងកម្មវិធីដ៏មហោឡារិកនេះគេក៏ឃើញមានមហាជនអ្នកគាំទ្រជាច្រើនបានចូលទៅអបអរសាទរដល់ពួកគេទាំងពីរ និង ផ្ញើសារជូនពរឱ្យស្រឡាញ់គ្នាដល់ចាស់កោងខ្នងផងដែរ៕