ទើបទាក់ទងគ្នាសោះ Pete Davidson លះបង់ធ្វើរឿងនេះបញ្ជាក់ក្ដីស្នេហ៍ជូន Kim Kardashian បាត់
តារាកំប្លែង Pete Davidson បានធ្វើឱ្យមហាជនជាច្រើនចាប់អារម្មណ៍លើរូបលោកជាខ្លាំង ក្រោយពីបើកចំហឱ្យឃើញពីទំនាក់ទំនងស្នេហាជាមួយតារាស្រី Kim Kardashian មក។
ជាក់ស្ដែង ពេលថ្មីៗកន្លងទៅនេះ រូបលោកបានធ្វើការបង្ហោះរូបថត selfie មួយសន្លឹក ដែលរូបមួយសន្លឹកនេះដែរ បានទាក់ចិត្តមហាជនជាច្រើន ជាមួយនឹងស្នាមសាក់តូចមួយលើទ្រូងខាងស្ដាំរបស់លោក។ ស្នាមសាក់នោះដែរ គឺជាសាក់ឈ្មោះ «Kim» ដែលជាឈ្មោះគូស្នេហ៍របស់លោក។
ក្រោយឃើញស្នាមសាក់មួយនេះ មហាជន ក៏ដូចជាអ្នកគាំទ្រជាច្រើន គឺនាំគ្នាគិតថា ប្រសិនបើសាក់នោះជាការសាក់ពិតប្រាកដ មិនមែនជាការគូរលេងនោះ នេះបង្ហាញឱ្យឃើញច្បាស់ពីទំហំចិត្ត និង ក្ដីស្នេហ៍ដ៏ធំធេងរបស់ Pete ដែលមានទៅលើ Kim Kardashain៕
ប្រភព៖ Daily Mail
