ស្រឡាំងកាំងពេលឃើញសម្រស់ យាយគ្រវីសក់ ក្រោយវះកាត់កែមុខលើកចុងក្រោយ

តារាភេទទី ៣ ថៃ Sitang bua tong ដែលមហាជនខ្មែរភាគច្រើនហៅថា យាយគ្រវីសក់ ដោយថ្មីៗនេះ កាន់តែធ្វើឱ្យមហាជនមានការភ្ញាក់ផ្អើលទៀតហើយ ក្រោយពេលតារាភេទទី ៣ រូបនេះបានទៅកែសម្ផស្សជាលើកចុងក្រោយ ដើម្បីបង្កើនទំនុកចិត្តដល់ខ្លួនឯង និង បង្កើនប្រជាប្រិយភាព ។

ក្រោយពីឆ្លងកាត់មុខកាំបិតអស់ជាច្រើនសាមក ទីបំផុតពេលនេះ យាយគ្រវីសក់ ក៏បានឈានដល់ការវះកាត់លើកចុងក្រោយរួចរាល់ហើយដែរ ថែមទាំងទទួលបានមុខមាត់ថ្មីដែលខ្លួនចង់បានថែមទៀតផង ។ ក្នុងការបង្ហាញមុខមាត់ថ្មីលើកនេះដែរ អ្នកណាៗក៏ស្ងើចសរសើរដែរថា ស្អាតប្លែកមិនចាញ់ក្មេងនោះទេ ។

ទម្រាំ យាយគ្រវីសក់ ឈានមកដល់ចំណុចនេះ នាងឆ្លងកាត់ពាក្យដៀលប្រមាថមិនតិចនោះទេ ថានាងមានមុខមាត់ដូចខ្មោច មិនស្អាត កែយ៉ាងណាក៏មិនឡើង តែពាក្យទាំងអស់នេះបែរជាទឹកចិត្តជំរុញឱ្យនាងជម្នះ រហូតទទួលបានជោគជ័យតាមអ្វីដែលនាងប្រាថ្នា ។ ជាពិសេស ពេលនេះនាងក៏បានសម្រេចក្ដីស្រមៃខ្លួនដែលធ្លាប់ចង់បានមុខតឹងភ្លឺ និង បាត់ភាពជ្រីវជ្រួញនោះហើយ ៕

ប្រភព៖ Amarintv