ទម្លាយមុខតារា K-Pop ល្បីៗ ១០ រូប ដែលមានជំនាញពិសេសមួយនេះដូចគ្នា ក្រៅពីអាជីពសិល្បៈ

ក្រៅពីសម្រស់ជាទីចាប់ចិត្តចាប់បេះដូង​ហើយ តារាប្រុសស្រីទាំងអស់ ក៏រមែងមានជំនាញទេពកោសល្យ និង សមត្ថភាពសិល្បៈផ្សេងៗគ្នាផងដែរ ដែលភាគច្រើនគេឃើញមានការច្រៀង ការរាំ ការរ៉េប ការនិពន្ធចម្រៀង ជាដើម ។

យ៉ាងណាមិញ ក៏មានតារាមួយចំនួនមើលទៅហាក់មានទំនោរទៅកាន់សិល្បៈលើសពីគេបន្តិច ដោយក្រៅពីជំនាញខាងលើ អ្នកខ្លះក៏មានជំនាញជាមួយការគូរគំនូរ ការច្នៃឌីស្សាញផ្សេងៗ ដែលតម្រូវឱ្យមានការប្រើគំនិតស្រមើស្រមៃ ។ តស់! មកមើលតារាប្រុសស្រីទាំង ១០ រូប ដែលមានទឹកដៃខាងគំនូរទាំងអស់គ្នា ៖

១. Mino

សមាជិកក្រុម WINNER រូបនេះ ប្លែកស្ទើរមួយចប់ តាំងពីស្ទីលតែងខ្លួន រហូតមកដល់ស្ទីលគូរគំនូរទៅទៀត ។ ជារឿយៗ គេតែងឃើញតារាប្រុសរូបនេះ ប្រើប្រាស់ពេលវេលាបែបស្រមើស្រមៃទៅលើការគូររូបជានិច្ច ។ លើសពីនេះទៅទៀត គំនូររបស់លោកត្រូវគេបានបញ្ជូនទៅដាក់តាំងឱ្យទស្សនានៅក្នុងស្រុកជាញឹកញាប់ និង កាលពីឆ្នាំ ២០២០ កន្លងទៅ គំនូរខ្លះរបស់លោក ក៏ថែមទាំងត្រូវបានបញ្ចូនទៅតាំងនៅសារមន្ទីរសិល្បៈនាទីក្រុង London ប្រទេសអង់គ្លេសថែមទៀតផង ។

២. Ten

ក្រៅពីមានជំនាញគូរគំនូរយ៉ាងប្លែកភ្នែកនៅលើក្រដាសហើយ ប្រុសស្អាតសមាជិក NCT ម្នាក់នេះ មានគំនិតច្នៃគូរនៅលើសម្លៀកបំពាក់ថែមទៀតផង ដែលមើលទៅពិតជាស្អាតទាន់សម័យគួរឱ្យទាក់ទាញខ្លាំងណាស់ ។

៣. Kevin

សមាជិក THE BOYZ ឯណោះវិញ ក៏មិនអន់ប៉ុន្មានដែរ មិនត្រឹមតែពូកែគូរគំនូរផ្ទាល់ដៃនោះទេ លោកថែមទាំងពូកែខាងគំនូរឌីជីថលថែមទៀតផង ។ ភាគច្រើន គេតែងឃើញលោកគូររូបតារាដែលខ្លួនស្រឡាញ់ ដូចជា Beyonce, Bellie Eilish  ជាដើម តែលោកក៏បានគូរគំនូរពីការច្នៃប្រឌិតខ្លួនឯងផងដែរ ។

៤. Hyunjin

អត់សរសើរមិនបានឡើយ នូវសមាជិក  STRAY KIDS រូបនេះ លោកពិតមានទឹកដៃល្អណាស់ ក្នុងការគំនូរនីមួយៗ ដែលមើលទៅដូចជារូបភាពពិតតែម្តង ។

៥. Renjun

សមាជិក NCT ម្នាក់នេះ អាចគូរបានទាំងគំនូរផ្ទាល់ដៃ និង ឌីជីថល ដែលមើលទៅពិតជាស្រស់ស្អាតរំលេចភាពច្នៃប្រឌិតណាស់ ។

៦. Seulgi

គ្រាន់តែមើលទៅគំនូរ ក៏ដឹងដែរថា ស្រីស្រស់សមាជិក RED VELVET រូបនេះ ពិតមានភាពទេពកោសល្យ និង ភាពស្រមើស្រមៃខ្ពស់មិនតិចឡើយ ដែលអាចឱ្យនាងបញ្ចេញតាមរយៈគំនូរប្លែកស្អាតទាំងនេះ ។

៧. THE8

សមាជិក SEVENTEEN ម្នាក់នេះវិញ ស្ទីលហ្វេសសិនក៏អ៊េម ចំណែកការគូរគំនូរក៏ទាក់ភ្នែកមិនចាញ់គ្នាឡើយ ។

៨. JungKook

កូនពៅក្រុម BTS ម្នាក់នេះ ពិតមានទេពកោសល្យមួយរយមុខក្នុងខ្លួន ។ លោកពិតជាពូកែខាងគំនូរស្ទើរគ្រប់ទម្រង់ ដែលធ្វើឱ្យអ្នកគាំទ្រកាន់តែស្រឡាញ់ស្ទើរលេប ។

៩. Rose

ក្រៅពីសំឡេងក្រអួនក្រអៅចាក់ដោតបេះដូង ស្រីស្អាត ROSE ក៏មានជំនាញគូររូបទាំងនេះទៅទៀត ធ្វើឱ្យអ្នកគាំទ្រកាន់លង់នឹងសម្រស់ និង សមត្ថភាពរបស់នាងតែម្តង ។

១០. G Dragon

អ្នកណាមិនស្គាល់ G-Dragon បុរសសង្ហាកំពូលស្នេហ៍ ពូកែមួយចប់​ មិនថាក្នុងសិល្បៈទម្រង់ណា ។ ប្រុសស្អាត GD ចេះទាំងគំនូរផ្ទាល់ដៃ ធ្លាយរហូតដល់ការឌីហ្សាញថែមទៀតផង ៕

ប្រភព៖ KOREA BOO