បាត់មុខពីសិល្បៈមួយរយៈ ត្រឡប់មកវិញ ឌី សុរក្ខិតា ធ្វើឱ្យមហាជនស្រឡាំងកាំង

ជឿជាក់ថាប្រិយមិត្តប្រាកដជានៅចាំបានជាក់ជាមិនខាន បវរកញ្ញាចក្រវាលខ្មែរ លំដាប់រងទី ២ នាង ឌី សុរក្ខិតា ដែលជាបវរកញ្ញាឆ្នើមមួយរូបបានឈានដល់វគ្គ ៥ នាក់ចុងក្រោយក្នុងកម្មវិធី ។ ក្រោយពីកម្មវិធីបានបញ្ចប់ទៅភ្លាមៗ គេឃើញថាបវរកញ្ញាខ្មែររូបនេះ បាត់បាត់ឆ្ងាយពីសិល្បៈ និង បណ្ដាញសង្គមមួយរយៈ ដោយសារតែមានជំងឺ ។

យ៉ាងណាមិញ បន្ទាប់ពីបានជាសះស្បើយ បវរកញ្ញារូបនេះក៏បានវិលត្រឡប់មកការងារសិល្បៈរបស់ខ្លួនដូចដើម។ ជាក់ស្ដែងថ្មីៗនេះ ឌី សុរក្ខិតា បានផ្ទុះការចាប់អារម្មណ៍ខ្លាំងពីសំណាក់អ្នកគាំទ្រ បន្ទាប់ពីនាងបានបង្ហោះរូបភាពរបស់ខ្លួនជាមួយនឹងឈុតសម្លៀកបំពាក់ច្រើនសម្បូរបែបមិនថា បុរាណ និង សម័យ ។

ជាការពិត ក្រោយពីរូបភាពជាច្រើនសន្លឹកនោះបានបង្ហោះឡើងពិតបានធ្វើឱ្យអ្នកគាំទ្រអួតសរសើរមិនដាច់ឡើយ ។ ជាពិសេសសម្រស់ដ៏ស្រស់ផូរផង់របស់នាង អមជាមួយឈុតដ៏ស្រស់ស្អាតបានធ្វើឱ្យបវរកញ្ញារូបនេះកាន់តែមានភាពទាក់ទាញ និង មន្តស្នេហ៍បន្ថែមទៀត ៕