ដឹងច្បាស់ហើយ ឱក សុគន្ធកញ្ញា ប្តូររូបកាន់ទុក្ខមុននេះ ព្រោះបុគ្គលសំខាន់ម្នាក់នេះទទួលមរណភាព

នៅល្ងាចថ្ងៃទី ២៣ ខែមិថុនា ឆ្នាំ ២០២១​ មុននេះបន្តិច តារាចម្រៀងជួរមុខ ឱក សុគន្ធកញ្ញា​ បានប្តូររូបភាពកាន់ទុក្ខនៅលើផេកហ្វេសប៊ុកផ្លូវការរបស់នាងធ្វើឱ្យមហាជនអ្នកគាំទ្រ និង មិត្តសិល្បករបានចូលរួមរំលែកទុក្ខដល់អ្នកនាងផងដែរ ។

ក្នុងនោះ តារាចម្រៀងស្រីខាងលើនេះមិនបានបញ្ជាក់ពីមរណភាពរបស់សមាជិកគ្រួសារ ឬ ក៏នរណាម្នាក់នោះ ដែលបានធ្វើឱ្យមហាជនអ្នកគាំទ្រភ័យបុកពោះ និង នឹកបារម្ភដល់អ្នកនាងកាន់តែខ្លាំងផងដែរ ។

យ៉ាងណាមិញ បន្ទាប់ពីមានសំណួរសួរជាបន្តបន្ទាប់ គេក៏បានឃើញមានអ្នកលេងបណ្តាញសង្គមហ្វេសប៊ុកមួយចំនួនក៏បានឆ្លើយតបជំនួសអ្នកនាង ឱក សុគន្ធកញ្ញា ផងដែរ ថាពេលនេះអ្នកនាង និង ក្រុមគ្រួសារកំពុងជួបទុក្ខព្រោះជីដូនបានអនិច្ចកម្ម ។ លើសពីនោះ មុននេះបន្តិចនៅលើផេកផ្លូវការរបស់តារាចម្រៀង ឱក សុគន្ធកញ្ញា ក៏បានបង្ហោះសារបញ្ជាក់ដូចនឹងអ្នកគាំទ្របានឆ្លើយតបខាងលើនោះដែរថា លោកយាយរបស់តារាចម្រៀងរូបនេះបានទទួលមរណភាព ៕