ឱក សុគន្ធកញ្ញា ស្រាប់តែបង្ហោះរូបកាន់ទុក្ខយ៉ាងអាថ៌កំបាំង ផ្អើលពេញហ្វេសប៊ុក

នៅល្ងាចថ្ងៃទី ២៣ ខែមិថុនា ឆ្នាំ ២០២១​ មុននេះបន្តិច តារាចម្រៀងជួរមុខ ឱក សុគន្ធកញ្ញា​ បានប្តូររូបភាពកាន់ទុក្ខនៅលើផេកហ្វេសប៊ុកផ្លូវការរបស់នាង ធ្វើឱ្យមហាជនអ្នកគាំទ្រភ័យបុកពោះ នឹកបារម្ភយ៉ាងខ្លាំងថាមានរឿងអ្វី ។

ស្របពេលបង្ហោះរូបកាន់ទុក្ខនេះដែរ តារាចម្រៀង ឱក សុគន្ធកញ្ញា មិនបានបញ្ជាក់នៅឡើយទេថាមាននរណាកើតអី ។ បើងាកទៅមើលលើទំព័រហ្វេសប៊ុកលោក អ៊ឹង សុខលី ជាស្វាមី ក៏ដូចជាអ្នកស្និទ្ធស្នាលរបស់តារាចម្រៀងរូបនេះមួយចំនួនវិញ ក៏មិនបានបញ្ជាក់ដូចគ្នាថាតើពេលនេះ តារាចម្រៀងខាងលើបានបាត់បង់សមាជិកគ្រួសារ ឬ ក៏សាច់ញាតិណាម្នាក់នោះ ។

យ៉ាងណាមិញ ចំពោះមហាជនអ្នកគាំទ្រ និង មិត្តសិល្បករជាច្រើន ក្រោយបានឃើញការបង្ហោះ និង ប្តូររូបកាន់ទុក្ខបែបនេះ បានចូលរួមរំលែកទុក្ខជាមួយតារាចម្រៀង ឱក សុគន្ធកញ្ញា យ៉ាងច្រើនផងដែរ ៕