ឪពុកម្តាយខ្មែរទេ តែកូនៗរបស់តារាល្បីៗទាំងនេះ មុខសុទ្ធតែស្រដៀងបរទេស

ជាការពិតនៅក្នុងឆ្នាំ ២០២០ កន្លងទៅនេះ បើយើងក្រឡេកមកមើលតារាៗជាច្រើនរូប បានកំពុងតែមានសេចក្តីសុខយ៉ាងខ្លាំងដែលទទួលបានសមាជិកថ្មី ។ លើសពីនោះ បើគិតមកត្រឹមខែមីនា ឆ្នាំ ២០២១ នេះដែរ កូនៗរបស់តារាមួយចំនួនក៏បានធំធាត់ និង កាន់តែគួរឲ្យស្រឡាញ់ថែមទៀតផង ។ តួយ៉ាង ក្នុងចំណោមតារាៗជាច្រើន ដែលបានទទួលសមាជិកថ្មីជាកូនប្រុសស្រីនោះ មហាជនអ្នកលេងបណ្តាញសង្គមមួយចំនួនក៏បានសង្កេតឃើញថា មានគូសិល្បករសិល្បការិនីមួយចំនួនគឺជាជនជាតិខ្មែរទេ ប៉ុន្តែកូនៗរបស់ពួកគេគឺមានមុខមាត់ស្រស់ស្អាតដូចកូនកូនកាត់បរទេសអ៊ីចឹង ។

តស់! ទៅមើលទាំងអស់គ្នា ថាតើតារាណាខ្លះដែលកូនមានមុខកាត់បរទេស ទាំងខ្លួនជាជនជាតិខ្មែរ ៖

១- កូនស្រី ឌីសូន្តិតា និង លោក អេឡិច ហ្សូរ៉ា

កូន

ស្រីរបស់តារា ២ រូបនេះ មានឈ្មោះ ហ្សូតា ម៉ីហាណា ហៅ Smile កើតថ្ងៃទី ២២ ខែតុលា ឆ្នាំ ២០២០ ។ អូន Smile កើតមកភ្លាម ត្រូវបានមហាជនលាន់មាត់ថា នាងតូចពិតជាមានមុខមាត់ដូចកូនបរទេសខ្លាំងណាស់ ទាំងទម្រង់មុខ និង កែវភ្នែក ។

២- កូនស្រីទី ២ អតីតតារាកំប្លែង ផន សុផារី

កូនស្រីទី ២ ផន សុផារី មានឈ្មោះ វណ្ណារ៉ារី អ៊ែលលី កើតថ្ងៃទី ០២ ខែវិច្ឆិកា ឆ្នាំ ២០២០ ។ អូន អ៊ែលលី មានមុខមាត់ស្រស់ស្អាតទ្រលុកទ្រលន់តាំងពីថ្ងៃកើតដំបូង លើសពីនោះបើក្រឡេកទៅមើលកែវភ្នែករបស់ អ៊ែលលី មានពណ៌ទឹកប្រាក់ដូចបរទេសណាស់ ។

៣- កូនស្រី តារាចម្រៀង សួស វីសា និង ថមមី

កូនស្រីរបស់តារាទាំង ២ រូបនេះ មានឈ្មោះ ថង សាម៉ូលីណា ហៅ Jenny​ កើតថ្ងៃទី ០៩ ខែតុលា ឆ្នាំ ២០២០ ។ អូន Jenny កើតមកគឺមានទម្រង់មុខស្រដៀងប៉ាបន្តិច និង ម៉ាក់បន្តិច ។ អាយុកាន់តែធំ Jenny កាន់តែថ្លោសមានសាច់សស្គុស រីឯភ្នែកវិញមូលក្រឡង់ៗដូចកូនកាត់គួរឲ្យក្នាញ់ណាស់ ។

៤- កូនស្រី ប្រធានក្រុម Pop Model ស៊ូ ហ្សារ៉ា

កូនស្រីតារាស្រីរូបនេះ មានឈ្មោះ Jing Jing កើតថ្ងៃទី​ ០៨ ខែតុលា ឆ្នាំ ២០២០ ។ អូន Jing Jing កើតមកភ្លាមហាក់មានមុខមាត់ស្រដៀងប៉ាៗខ្លាំង រហូតមានអាយុប្រមាណជាជិត ៤ ខែ កូនស្រីរបស់ប្រធានក្រុម Pop Model រូបនេះកាន់តែប្រែមុខ និង ស្រដៀងកូនបរទេសខ្លាំងណាស់ ។

៥- កូនប្រុស តារាចម្រៀង និរ័ត្ន

កូនប្រុសដំបូងតារាចម្រៀង និរ័ត្ន មានឈ្មោះថា អ៊ីឡាយ កើតថ្ងៃទី ១២ ខែធ្នូ ឆ្នាំ ២០១៩ ។ អូន អ៊ីឡាយ ទោះបីជាមានឪពុកម្តាយជាជនជាតិខ្មែរក៏ពិតមែន ប៉ុន្តែអូនតូចបានកើតនៅក្នុងទឹកដីប្រទេសអូស្រ្តាលី រីឯមុខមាត់របស់កូនប្រុសដំបូងរបស់តារាចម្រៀង និរ័ត្ន គឺមានមុខមាត់ស្រដៀងកូនកាត់ចិនដូចនឹងឈ្មោះអ៊ីចឹង ៕