នៅក្នុងថ្ងៃកំណើត មនុស្សមួយចំនួនតែងតែមានបំណងប្រាថ្នា ក៏ដូចជាពាក្យជូនពរជាច្រើនសម្រាប់ជីវិត ព្រោះតែពួកគេគិតថាថ្ងៃកំណើតរបស់ខ្លួន ជាថ្ងៃល្អ ថ្ងៃដែលយើងបានមកកាន់ពិភពលោកដ៏ល្អអស្ចា្យមួយនេះ។ មិនតែប៉ុណ្ណោះ មានអ្នកខ្លះបានរៀបចំកម្មវិធីជួបជុំក្រុមគ្រួសារ ក៏ដូចជាមិត្តភក្ដិយ៉ាងអធិក អធមទៀតផង។
យ៉ាងណាមិញ នៅក្នុងថ្ងៃ ទី ១៣ ខែ មករា ជាថ្ងៃកំណើតរបស់តារាស្រីដ៏ល្បីមួយរូបរបស់ផលិតកម្ម រស្មីហង្សមាស គឺ កញ្ញា ផន ស្រីខួច ។ ក្នុងថ្ងៃកំណើត ស្រីស្អាតរូបនេះ ក៏បានសរសេរសារមួយយ៉ាងមានន័យ បង្ហោះនៅលើបណ្ដាញសង្គមហ្វេសប៊ុកផងដែរ។
ក្នុងសារនោះ ផន ស្រីខួច បានសរសេររៀបរាប់ថា៖ « Happy birthday to me ថ្ងៃនេះជាថ្ងៃដែលខ្ញុំបានឃើញពន្លឺថ្ងៃ និងពិភពលោកដ៏ស្រស់ស្អាត ព្រោះតែអ្នកម៉ាក់និងលោកប៉ា បានផ្ដល់កំណើតដល់កូន ខ្ញុំសូមជូនពរខ្លួនឯងឲ្យមាន សុខភាពល្អ រកសុីមានបាន ជោគជ័យក្នុងជីវិត រឿងល្អៗចូលមកក្នុងជីវិត ធ្វេីអ្វីៗក៏សម្រេចតាមបំណងដែលខ្ញុំប៉ងប្រាថ្នា សុខទាំងអស់ក្នុងក្រុមគ្រួសារ ហេីយអ្វីដែលសំខាន់សូមឲ្យព្រះរស់ខ្ញុំទាំងពីរមានសុខភាពល្អ មានអាយុវែង ហើយក៏សូមអរគុណ បងប្អូនទាំងអស់គ្នាសំរាប់ការជូនពរណា ស្រឡាញ់អ្នកទាំងអស់គ្នា»។
ក្រោយពីរូបនាងបានបង្ហោះនូវពាក្យទាំងនោះហើយ យើងក៏ឃើញមានមហាជនក៏ដូចជាអ្នកសិល្បៈមួយចំនួនបានចូលរួមជូនពរស្រដៀងៗគ្នា ឱ្យតារាស្រីរូបនេះជួបតែសំណាងល្អ ក៏ដូចជាជោគជ័យនៅក្នុងជីវិតទៀតផង៕
អត្ថបទដោយ៖ Chanthou
