លី ច័ន្ទសីហា នៅតែជាម្តាយរឹងមាំ ធ្វើរឿងមួយនេះឱ្យកូនស្រី យ៉ាងមានក្តីសុខ

បើទោះមានឈ្មោះជាស្រ្តីមេម៉ាយក៏ពិតមែន លី ច័ន្ទសីហា តែងបំពេញតួនាទីជាអ្នកម្តាយ និង ឪពុកយ៉ាងកក់ក្តៅដល់កូនស្រី ដែលពេលនេះកូនស្រីរបស់នាងក៏មានវ័យ ៣ ឆ្នាំ ហើយតារាស្រីរូបនេះក៏មិនភ្លេចនឹងរៀបចំពិធីខួបកំណើតឱ្យកូនស្រីរបស់ខ្លួនដែរ ។

ហាក់ខុសពីឆ្នាំមុនៗដោយសារឆ្នាំនេះ លី ច័ន្ទសីហា បានរៀបចំខួបកំណើតកូនស្រីជាលក្ខណៈគ្រួសារតែប៉ុណ្ណោះ ដោយគ្រាន់តែមានវត្តមានអ្នកសិល្បៈស្និទ្ធៗពីរបីនាក់ប៉ុណ្ណោះ ដូចជា  រតនៈ វិសិដ្ឋ និង ស្រីពៅមុខឈើ ជាដើម ប៉ុន្តែបើគេក្រឡេកមើលទៅកម្មវីធីរបស់ លី ច័ន្ទសីហា មើលទៅពិតជាពោរពេញទៅដោយអត្ថន័យ និងមានក្តីសុខជាខ្លាំង ។

លី ចាន់សីហា បានជូនពរកូនស្រីនៅក្នុងថ្ងៃពិសេសនេះថា «រីករាយថ្ងៃកំណើតកូនស្រី ម៉ាក់ ចន្ទ័ លី រចនា ៩/១/២០២១ ថ្ងៃនេះគឺជាថ្ងៃដែរកូនមក កាន់ពិភពលោកមួយនេះ បាន ៣ ឆ្នាំ ហើយក៏ជាថ្ងៃដែរម៉ាក់ក្លាយជាវីរនារីក្លាហានម្នាក់ដែរ អរគុណដែលចូលមកក្នុងជីវិតម៉ាក់ សូមឱ្យកូនម៉ាក់សំណាងល្អពេញមួយជីវិត» ។

គេចាំបានថាបើទោះចែកផ្លូវជាមួយស្វាមីតែ លី ចាន់សីហា បានបំពេញតួនាទីជាអ្នកម្តាយយ៉ាងល្អ បើទោះនាងនៅវ័យក្មេងក៏ដោយជាក់ស្តែងកាលពីខួបគម្រប់មួយឆ្នាំនាងក៏បានទិញផ្ទះយ៉ាងស្រស់ស្អាតសម្រាប់ជាកាដូដល់កូនស្រីរបស់ខ្លួន ហើយអ្វីដែលចាប់អារម្មណ៍ លី ចាន់សីហា ហាក់រីករាយជាមួយនឹងជីវិតរស់នៅជាមួយកូនស្រីដោយមិនខ្វល់ខ្វាយពីការរកដៃគូថ្មីខណៈអតីតស្វាមីរបស់នាងក៏បានរៀបការភរិយាថ្មីហើយ ៕

រូបថត ៖ហ្វេសប៊ុក