អាយុខ្ទង់ ៣០ ឆ្នាំ អ្នកមេម៉ាយសាច់ចាំ សុខ ស្រីនាង លេចធ្លោអស់ស្ទះក្នុងឈុតមួយនេះ

កន្លងមក សុខ ស្រីនាង ត្រូវបានមហាជនជាច្រើនចាត់ទុកនាងគឺជាតារាចម្រៀងស្រីដ៏មានឈ្មោះបោះសំឡេងមួយរូប ហើយមិនតែប៉ុណ្ណោះ គ្រប់គ្នាតែងលើកសរសើរថា សុខ ស្រីនាង មានអត្តចរិតស្លូតបូត សុភាពរាបសា ស័ក្ដិសមជាមួយនឹងរូបសម្រស់ដ៏ស្រស់សោភាពីធម្មជាតិរបស់នាង ដែលធ្វើឱ្យមហាជនគយគន់មិនចេះជិនណាយនោះទេ ។

រំឭកដល់រូបសម្រស់ ថ្វីដ្បិតថាពីមួយថ្ងៃទៅមួយថ្ងៃ សុខ ស្រីនាង ក៏មានអាយុកើតឡើងរាល់ថ្ងៃ ដែលមកដល់បច្ចុប្បន្នតារាចម្រៀងស្រីរូបនេះក៏ប្រហែលជាមានវ័យខ្ទង់ ៣០ ឆ្នាំហើយដែរ ប៉ុន្ដែរាល់ពេល ស្រីនាង តុបតែងខ្លួនបង្ហាញវត្តមានទៅចូលរួមកម្មវិធីរបស់អ្នកសិល្បៈដូចជាជប់លៀងខួបកំណើត ឬមង្គលការម្ដងៗ ស្ទើរតែធ្វើឱ្យអ្នកលេងបណ្ដាញសង្គមសម្លឹងភ្លឹងស្មារតីមិនចង់អូសរំលងទៅមុខឡើយ ។

ជាក់ស្ដែងថ្មីៗនេះ អ្នកមេម៉ាយសាច់សខ្ចី សុខ ស្រីនាង បានរំលេចខ្លួនជាមួយរ៉ូបរាត្រីសមោលសរមួយឈុត ឆែកវាលបញ្ចេញគល់ភ្លៅសស្រឡូន ខ្សែដៃមួយសរសៃ បង្ហាញពីភាពទាក់ទាញស្រស់ស្អាតប្លែកខ្លាំង ខណៈនាងបង្ហាញខ្លួនទៅចូលរួមមង្គលការរបស់មិត្តរួមសិល្បៈ ។ សុខ ស្រីនាង បានបង្ហោះរូបថតប៉ុន្មានសន្លឹកនៅលើបណ្ដាញសង្គម ក្នុងនោះមានអ្នកគាំទ្រជាច្រើនបានចូលទៅបញ្ចេញយោបល់ស្រដៀងៗគ្នា ដែលភាគច្រើនសុទ្ធតែកោតសរសើរពីរូបសម្រស់របស់នាងទាំងអស់ ៕