ក្រោយរៀបការជិត ២ ឆ្នាំភរិយា ឃី សុឃុន នៅតែបែបនេះ!
ពេលនេះតារាចម្រៀងប្រចាំផលិតកម្មហង្សមាស ឃី សុឃុន កំពុងរស់នៅយ៉ាងមានក្តីសុខជាភរិយា តែយ៉ាងណាអ្នកទាំងពីរមិនទាន់មានកូនជាចំណងដៃនោះទេ។
តារាចម្រៀង ឃី សុឃុន បាននិយាយថា ភរិយារបស់លោកជាមនុស្សស្រីដែលល្អ ស្រឡាញ់លោកខ្លាំង ជាពិសេស គឺជាមេផ្ទះលេខមួយតែម្តង តែយ៉ាងណា ភរិយារបស់លោកជាមនុស្សរាងប្រចណ្ឌបន្តិច។ សម្រាប់លោកមិនដែលមានគំនិតផិតក្បត់ភរិយា ឬដើរចោលផ្ទះម្តងណាឡើយ និយាយទៅយប់ជ្រៅយ៉ាងណា ក៏លោកទៅផ្ទះដែរ។ ត្បិតតែ ភរិយារាងប្រចណ្ឌបន្តិចក្ដីមែន តែលោកនិង ភរិយានៅតែមានសេចក្តីសុខ សុភមង្គលជាធម្មតា ហើយពេលនេះលោក និង ភរិយាក៏មិនទាន់សម្រេចចិត្តយកកូនប្រលែងលេងនោះទេ។
គួរបញ្ជាក់ថា លោក ឃី សុឃុន ធ្លាប់ជាបេក្ខជននៅក្នុងកម្មវិធីប្រលងចម្រៀង The Voice Cambodia រដូវកាលទីពីរ ហើយបទដំបូងដែលធ្វើឱ្យប្រជាប្រិយភាពរបស់លោកមាន មានអ្នកស្គាល់ច្រើនគឺ បទ «ធ្វើម្តេចយើងក្រ»។ ទោះមានភរិយាហើយក្តី តែលោក ឃី សុឃុន តែប្រជាប្រិយភាពរបស់លោកហាកមិនមានអ្វីខុសប្លែកពីមិនទាន់រៀបការឡើយ។ បច្ចុប្បន្ន មិនខុសពីតារារៀមច្ប់ងប៉ុន្មានឡើយ ក្រៅពីការងារសិល្បៈ លោក ឃី សុឃុន ក៏បានងាកមកចាប់យកជំនួញអចលនទ្រព្យបន្ថែមទៀត៕
រូបថត ៖ ហ្វេសប៊ុក