យប់មិញមង្គលការកីឡាករបាល់ទាត់ កែវ សុខផេង ប្រជុំសុទ្ធតែអ្នកសិល្បៈល្បីៗ
ចាត់ទុកនេះជាលើកទី ២ ហើយដែលតារាសម្តែងស្រីប្រុសល្បីៗជាច្រើនបានបង្អួតសម្រស់ជុំគ្នានៅក្នុងកម្មវិធីមង្គលការកីឡាករបាល់ទាត់ឆ្នើម កែវ សុខផេង បន្ទាប់ពីមង្គលការប្អូនស្រីរបស់តារាសម្តែងរូបសង្ហា មុំ សុទ្ធារ៉ា កាលពីថ្ងៃទី ២៦ ខែតុលា ឆ្នាំ ២០២០ កន្លងទៅនោះ ។
ទោះបីថាមិនមែនជាតារាសម្តែង ប៉ុន្តែពិធីមង្គលការរបស់កីឡាករល្បីក្នុងក្រុមវិសាខា កែវ សុខផេង បានរៀបចំឡើងយ៉ាងអធឹកអធមណាស់ កាលពីថ្ងៃទី ០១ ខែវិច្ឆិកា ១ ឆ្នាំ ២០២០ កន្លងទៅនេះ ដោយមានការចូលរួមកុះករពីសំណាក់ភ្ញៀវកិត្តិយស និង កីឡាករជាច្រើន ជាពិសេសនោះក៏មានវត្តមានតារាល្បីៗក្នុងប្រទេសបានចូលរួមអបអរយ៉ាងច្រើនផងដែរ ក្នុងនោះគេចាប់អារម្មណ៍ឃើញមានពិធីការិនី ថន លក្ខិណា តារាចម្រៀង ពេជ្រ សោភា លោក ឆឹម សក្កដា ជាគូស្នេហ៍ ព្រមទាំងតារាល្បីមួយចំនួនទៀត ជាដើម ដោយម្នាក់ៗបានតុបតែងខ្លួនយ៉ាងស្រស់សោភា និង ស្រស់សង្ហា ក្រោយអាក់ខានចូលរួមពិធីបែបនេះ ជិតមួយឆ្នាំនោះ ។
គួរឱ្យដឹងដែរថា បន្ទាប់ពីភ្ជាប់ពាក្យរួចបានមួយរយៈធំនោះ កាលពីថ្ងៃទី ១ ខែវិច្ឆិកា ឆ្នាំ ២០២០ កន្លងទៅនេះ កីឡាករល្បី កែវ សុខផេង បានដឹកដៃគូស្នេហ៍ចូលរោងការតាមប្រពៃណី ដោយបានរៀបចំឡើងយ៉ាងធំដុំនៅដឺព្រីមៀសេនធ័រ សែនសុខ (អគារ G) ៕