Cardi B ក្ដៅស្លឹកត្រចៀក ជះលុយជិត ១៣ ម៉ឺនដុល្លារទិញកាបូប វាយបកទៅអ្នកមើលងាយនារីជនជាតិស្បែកខ្មៅ

មហាជនអ្នកគាំទ្រធ្លាប់បានដឹងមកហើយថា តារាចម្រៀងរ៉េប Cardi B គឺជាស្ត្រីជនជាតិស្បែកខ្មៅមួយរូបដែលមានឈ្មោះបោះសំឡេងយ៉ាងខ្លាំងលើវិស័យតន្ត្រី នៅសហរដ្ឋអាមេរិច ។

យ៉ាងណាមិញ ទោះជាមានកេរ្តិ៍ឈ្មោះល្បីខ្ទរខ្ទារយ៉ាងណាក៏តារាចម្រៀងរ៉េបជនជាតិស្បែកខ្មៅរូបនេះ នៅតែទទួលបានការមិនឲ្យតម្លៃដោយការប្រកាន់ពូជសាសន៍ដូចដើម ។ កាលពីពេល​ថ្មីៗនេះ មានការលើកឡើងពី បុគ្គលជនជាតិស្បែកសចូលចិត្តប្រើប្រាស់សំភារនិយម ជាពិសេសកាបូបប្រ៊េនទំនើប Hermes ថា «កាបូបប្រ៊េននេះ ទោះថ្លៃយ៉ាងណាក៏អស់តម្លៃដែរ ក៏ព្រោះតែស្ត្រីជនជាតិស្បែកខ្មៅបានទិញយកទៅប្រើប្រាស់» ។

ភ្លាមៗស្រាប់តែតារាចម្រៀងរ៉េប Cardi B ហាក់ក្តៅស្លឹកត្រចៀក ក៏បានបង្ហោះវីដេអូ និង រូបកាបូបដែលនាងបានទិញត្រឹមតែ ៤ ប៉ុណ្ណោះ តែមានតម្លៃសរុបដល់ទៅជិត ១៣ ម៉ឺនដុល្លារដើម្បីបង្ហាញថា ស្ត្រីជនជាតិស្បែកខ្មៅ ក៏មានលុយប្រើប្រាស់របស់ទំនើបៗទាំងនេះដែរ៕

ប្រភព៖ DailyMail