កាក់កបណាស់! សំងំៗ តារាចម្រៀង ខេម ក្លាយជាថៅកែ និង ត្រៀមដំណើរការជំនួញដំបូង ស្អែកនេះ!

មិនចាញ់មិត្តភក្តិរួមអាជីពប៉ុន្មានឡើយ ពេលនេះ តារាចម្រៀង ខេម បានបោះទុនបង្កើតជំនួញដំបូង របស់ខ្លួនដែលត្រៀម នឹងដាក់ដំណើរការនៅក្នុងថ្ងៃទី ២៨ ខែតុលា ឆ្នាំ២០២០ ស្អែកនេះ។

គេចាំបានថា លោក ខេម កាន់តែមានឈ្មោះបោះសំឡេង ក្រោយពីលោកបានហក់ចូលក្នុងទ្រនំថ្មីរបស់ផលិតកម្ម Galaxy Navatra ដោយលោកមានបទចម្រៀងថ្មីៗជាបន្តបន្ទាប់ សុទ្ធសឹងទទួលបានការគាំទ្រខ្លាំងពីសំណាក់យុវវ័យ។ អ្វីដែលចាប់អារម្មណ៍ បន្ទាប់ពីស្ងប់ស្ងាត់រឿងរ៉ាវដ៏ចម្រូងចម្រាស់ជាមួយទ្រនំចាស់ ខេម បានងាកមកចាប់ផ្តើមជំនួញថ្មី គឺបោះទុនបង្កើតភោជនីយដ្ឋាន ដែលមានយីហោថា T& Y  Restaurant មានទីតាំងនៅម្តុំ វត្តសំរោងអណ្តែត ព្រមទាំងចាប់ផ្តើមដំណើរការនៅថ្ងៃទី ២៨ ខែតុលា ឆ្នាំ២០២០ ។

នេះជាលើកដំបូង ដែលតារាចម្រៀងសំឡេងស្អករូបនេះ បានបោះទុនបន្ថែមជំនួញថ្មីពីលើអាជីពចម្រៀងរបស់លោក ហើយបើតាមដឹងលោកចំណាយដើមទុនច្រើនគួរសមនៅក្នុងរបរមួយនេះ តែក្នុងនោះក៏មាន ការចូលហ៊ុនពីសំណាក់មិត្តភក្តិពីររូបទៀតផងដែរ។ មានការជូនពរពីសំណាក់មិត្តភក្តិ និង អ្នកគាំទ្រឱ្យរបរថ្មីរបស់ ខេម មានដំណើរការរលូនល្អ៕

រូបថត ៖ ហ្វេសប៊ុក