ទើបពេញរូបរាង ជូលី សម្ញែងភាពសិចស៊ីមួយទំហឹង!

ធ្មេចបើកៗតារាសម្តែងវ័យក្មេង ជូលី កាន់តែធំពេញវ័យ ហើយបើនិយាយពីរូបសម្រស់របស់នាងវិញ ក៏ស្រស់ស្អាត និង ទាក់ទាញមិនធម្មតាដែរ ។ អ្វីដែលចាប់អារម្មណ៍ តារាវ័យក្មេងរូបនេះបានធ្វើឱ្យអ្នកគាំទ្រស្រឡាំងកាំង ក្រោយពីបានឃើញសម្រស់របស់នាងក្នុងឈុតប៊ីគីនីយ៉ាងស្រស់ស្អាត ។

ថ្វីដ្បិតទើបពេញវ័យក៏ពិតមែន តែ ជូលី ហាក់និយមស្ទីលតែងខ្លួនបែបទាន់សម័យកាលីបៗ ដែលកាន់តែធ្វើឱ្យសម្រស់របស់នាងលេចធ្លោថែមមួយកម្រិតទៀត ។ ជាក់ស្តែងថ្មីៗនេះ ជូលី បានបង្ហាញនូវរូបភាពដ៏ស្រស់ស្អាតជាច្រើន ជាមួយការបង្អួតសម្រស់ក្នុងឈុតប៊ីគីនីសិចស៊ីពណ៌ខ្មៅនៅអាងហែលទឹក ដែលមើលទៅពិតជាទាក់ទាញជាខ្លាំង ។

ជាមួយនឹងរូបភាពសិចស៊ីនេះ តារាវ័យក្មេង ជូលី ក៏ទទួលបានការចាប់អារម្មណ៍ពីសំណាក់អ្នកគាំទ្រ ដោយខ្លះបានសរសើរពីភាពក្លាហានរបស់នាងក្នុងការលេងស្ទីលប៊ីគីនីមិនចាញ់តារារៀមច្បងនេះ ។

ដោយសារតែរូបសម្រស់ស្រស់ស្អាតរួមជាមួយនឹងទេពកោសល្យពីធម្មជាតិ បានធ្វើឱ្យ ជូលី ហក់ចូលក្នុងការសម្តែងតាំងពីនៅវ័យកុមារ ។ បើគិតមកដល់ពេលនេះ នាងបានចូលរួមសម្តែងរឿង និង ថតស្ប៉តពាណិជ្ជកម្មជាច្រើន ។ អ្វីដែលចាប់អារម្មណ៍កាលពីមួយរយៈមុន ជូលី ក៏បានសម្រេចចិត្តបង្ហាញមុខគូស្នេហ៍របស់នាងដែលមានវ័យស្របាលៗរូបនាងជាចំហផងដែរ ៕