បវរកញ្ញា អ៊ីសាប៊ែឡា MGI 2022 បង្ហោះសារជាសរសេរអក្សរខ្មែរយ៉ាងរំភើបនៅលើ IG ទាំងព្រឹក
ទិដ្ឋភាពដ៏គួរឱ្យរំភើបនៃការធ្វើដំណើរមកដល់ប្រទេសកម្ពុជារបស់ម្ចាស់មកុដ Miss Grand International 2022 នាង Isabella Menin, បវរកញ្ញាមីយ៉ាន់ម៉ា នាង Meme, ស្ថាបនិកក្រុមហ៊ុន MGI ជាពិសេសគឺវត្តមានកញ្ញា ពេជ្រ វត្តីសារ៉ាវឌ្ឍី នៅព្រលានយន្តហោះអន្តរជាតិភ្នំពេញ កាលពីរសៀលថ្ងៃទី ៣១ ខែមករា ឆ្នាំ ២០២៣ បានធ្វើឱ្យអ្នកគាំទ្រវិស័យបវរកញ្ញាជាច្រើន រំភើបចិត្តស្រែកហ៊ោស្វាគមន៍យ៉ាងកក់ក្ដៅបំផុត។
មកដល់ទឹកដីប្រទេសកម្ពុជាបានមួយថ្ងៃ Isabella Menin បានធ្វើឱ្យមហាជនអ្នកគាំទ្រវិស័យបវរកញ្ញា កាន់តែរំភើបចិត្តទ្វេដង ខណៈស្រីស្អាតម្ចាស់មកុដ MGI 2022 រូបនេះ បង្ហោះរូបថតច្រើនសន្លឹក បង្ហាញទឹកមុខស្រស់ស្រាយហាក់ដូចជាពេញចិត្តចំពោះការទទួលស្វាគមន៍យ៉ាងកក់ក្ដៅពីម្ចាស់ផ្ទះ ព្រមទាំងសរសេរ Caption ជាភាសាខ្មែរយ៉ាងខ្លីថា ៖ «ជម្រាបសួរ Cambodia»។
បវរកញ្ញា Isabella Menin បានបង្ហោះសារខ្លីក៏ពិតមែន ប៉ុន្ដែហាក់មានអត្ថន័យខ្លាំងណាស់សម្រាប់អ្នកគាំទ្រនៅកម្ពុជា ជាពិសេសអ្នកគាំទ្រក៏កំពុងអន្ទះសាចង់ឃើញវត្តមានរបស់ពួកគេ នៅក្នុងកម្មវិធី Meet And Great Miss Grand International នៅថ្ងៃទី ១ ខែកុម្ភៈ ឆ្នាំ ២០២៣ នេះ៕
