ថ្មីៗនេះមានព័ត៌មានដ៏គួរឱ្យហួសចិត្តមួយនៅក្នុងប្រទេសថៃ ក្រោយស្រ្តីជនជាតិថៃ និង បុរសជនជាតិរុស្ស៊ីម្នាក់ត្រូវបានប៉ូលិសឃាត់ខ្លួន បន្ទាប់ពីពួកគេបាននាំគ្នាទៅលេងល្បែងស្នេហានៅលើឡានមួយបាំងកន្លះដោយមិនខ្ចីខ្មាសគេតាមផ្លូវមួយខ្សែនៅខេត្តភូកេត។
តាមព័ត៌មានបានឱ្យដឹងថា អាជ្ញាធរបានឃាត់ខ្លួនបុរសជនជាតិរុស្ស៊ី វ័យ ២៣ ឆ្នាំ បាននៅព្រលានយន្តហោះសុវណ្ណភូមិ ក្រោយមកទើបឃាត់ខ្លួនស្រ្តីជនជាតិថៃ វ័យ ៤២ ឆ្នាំបានទៀត ហើយក៏នាំខ្លួនពួកគេទាំងពីរមកសួរននាំប៉ុស្តិ៍ប៉ូលិសស្រុកភូភេត ខេត្តភូកេត។
តាមការឱ្យដឹង បុរសជនជាតិរុស្ស៊ីបានសារភាពថាខ្លួនពិតជានៅក្នុងវីដេអូនោះមែន តែមិនបានរួមភេទមែនទែនឡើយ គឺគ្រាន់តែជាការធ្វើ content តែប៉ុណ្ណោះ។ ដោយឡែក ស្រ្តីជនជាតិថៃក៏បានសារភាពថានាងត្រូវបានបុរសនេះជួលលុយចំនួនជាង ២៥ ដុល្លារមកធ្វើ Content ជាមួយគ្នាពិតមែន។
យ៉ាងណាមិញ អ្នកទាំងពីរត្រូវគេចោទប្រកាន់ពីបទប្រព្រឹត្តអំពើអនាចារនៅតាមទីសារធារណៈ ដោយបុរសជនជាតិរុស្ស៊ីត្រូវបានអាជ្ញាធរដកហូតវីសា និង ដាក់ចូលបញ្ជីខ្មៅលែងឱ្យចូលមកក្នុងប្រទេសថៃទៀត ហើយក៏នឹងត្រៀមនិរទេសទៅប្រទេសកំណើតវិញ រីឯស្រ្តីជនជាតិថៃ នឹងត្រូវដំណើរការក្តីស្របទៅតាមច្បាប់នៅក្នុងស្រុក៕
ប្រភព៖ Khaosod
