មហាជនអ្នកប្រើប្រាស់បណ្ដាញសង្គម បាននាំគ្នាចែករំលែកបន្តគ្នាព្រោងព្រាត បន្ទាប់ពីបានជ្រាបដំណឹងថា វត្តមួយ ដែលមានឈ្មោះថា វត្តអណ្តូងប្រេង ស្ថិតក្នុងខេត្តកំពង់ឆ្នាំង មកទល់បិណ្ឌ ៩ នេះស្ងាត់ជ្រាបពុំឃើញមានពុទ្ធបរិស័ទនោះឡើយ។
ដំណឹងនេះ ត្រូវបានបង្ហោះដោយព្រះតេជគុណមួយព្រះអង្គ មានគណនីព្រះនាម PICH VEHA វត្តអណ្ដូងប្រេង ដែលព្រះអង្គមានសង្ឃដីកានៅថ្ងៃទី ១៦ ខែកញ្ញា ឆ្នាំ ២០២៥ នេះឱ្យបានដឹងថា ៖ «ដល់បិណ្ឌទី ០៩ ហើយ ស្ងាត់ឱ្យជ្រាប បិណ្ឌ ១៣-១៤ អត់មានវេនទេ ញោមៗជួយចូលរួមដាក់បិណ្ឌតាមសទ្ធា សូមចូលរួមភ្ជាប់និស្ស័យផង នៅវត្តអណ្តូងប្រេង ឃុំក្រាំងលាវ ស្រុករលាប្អៀរ ខេត្តកំពង់ឆ្នាំង»។
សម្រាប់បងប្អូនដែលមានសទ្ធាជ្រះថ្លា អាចទាក់ទងទៅកាន់ព្រះសង្ឃនៅវត្តផ្ទាល់បានតាមរយៈលេខទូរស័ព្ទ 0716991392 និង 0969535965៕
