ពិតជាមិននឹកស្មានដល់សោះថានេះជារូបពីកុមារភាពរបស់តារាចម្រៀង បាន មុន្នីល័ក្ខ ព្រោះមើលទៅពិតជាខុសគ្នាដាច់ស្រឡះ សឹងតែមើលមិនស្គាល់ថែមទៀត។
រូបពីកុមារភាពមួយសន្លឹករបស់តារាចម្រៀង បាន មុន្នីល័ក្ខ លើទំព័រហ្វេសប៊ុក បានធ្វើឱ្យប្រិយមិត្តមានការភ្ញាក់ផ្អើលយ៉ាងខ្លាំង រហូតដល់ចោទជាសំណួរឡើងថា តើនេះជារូបរបស់ បាន មុន្នីល័ក្ខ ឬក៏មិនមែន? ព្រោះបើងាកមកមើលរូបថតបច្ចុប្បន្នរបស់ បាន មុន្នីល័ក្ខ ឃើញថានាងមានរូបសម្រស់ស្រស់ស្អាតមិនធម្មតាឡើយ ទាំងទម្រង់មុខ រាងរៅ និង កម្ពស់ គឺស័ក្តិសមល្អទាំងព្រម។
ភាពប្រែប្រួលខុសប្លែកនេះ សរបញ្ជាក់ឱ្យឃើញពីការយកចិត្តទុកដាក់លើការថែរក្សារូបសម្រស់របស់នាងយ៉ាងខ្លាំង ព្រោះកាលពីកុមារភាព នាងត្រឹមតែជាក្មេងស្រីសាមញ្ញម្នាក់មិនទាន់ចេះសម្អិតសម្អាងកាយ ហើយជាធម្មតាទេដែលរូបពីក្មេង និង ពេលពេញវ័យខុសប្លែកគ្នានោះ ព្រោះជាការវិវឌ្ឍវ័យរបស់មនុស្ស។
ទោះបីជាយ៉ាងណាក្រៅពីសម្ដែងអារម្មណ៍ភ្ញាក់ផ្អើល ទស្សនិកជនក៏បានពោលសរសើរផងដែរទៅលើតារាចម្រៀងរូបនេះថាពូកែថែសម្រស់ ដែលទៅថ្ងៃមុខនាងអាចនឹងលេចធ្លោខ្លាំងជាមួយសំឡេងដ៏ពីរោះ រួមនឹងសម្រស់ដ៏ស្រស់ផូរផង់របស់នាង៕
