មហាជនអ្នកប្រើប្រាស់ប្រាស់បណ្ដាញសង្គម បាននាំគ្នាចូលរួមរំលែកទុក្ខ និង ចែករំលែកបន្តគ្នាព្រោងព្រាតទុកជាសារដាស់តឿន បន្ទាប់ពីបុរសម្នាក់បានបាត់បង់ជីវិត ដោយសារតែបានប្រើប្រាស់ Yooz ជាប្រចាំ ព្រមទាំងបានផ្ដាំផ្ញើសារទៅកាន់អ្នកស្គាល់គ្នាមុនពេលអស់ជីវិត ឱ្យឈប់ប្រើប្រាស់ Yooz ព្រោះវាធ្វើឱ្យវេទនាក្នុងខ្លួនជាដើម។
ទាក់ទិនទៅនឹងករណីនេះ នៅព្រឹកថ្ងៃទី ១៣ ខែមីនា ឆ្នាំ ២០២៥ នេះ តាមរយៈគណនីដែលមានឈ្មោះ Nit Nit បានបង្ហោះសារសំឡេងដាស់តឿននេះឡើង ភ្ជាប់ជាមួយការរៀបរាប់ថា ៖ «នេះជាសម្តីគាត់ជាលើកចុងក្រោយសូមផ្តាំទៅអ្នកទាំងអស់គ្នា សូមកុំញ៉ាំមី ហើយអ្វីដែលសំខាន់គឺ Yooz គឺគាត់ផ្តាំ»។
តាមរយៈសារសំឡេងមុនបាត់បង់ជីវិត បុរសរូបនោះបានរៀបរាប់ថា ៖ «friend អើយ ឈប់ជក់ទៅ Yooz អីហ្នឹង អញវេទនាណាស់ អញនិយាយមែនទាល់តែជួបខ្លួនឯងបានដឹងខ្លួន អញរស់ដូចងាប់ ងាប់ដូចរស់»៕ សូមចុចទីនេះដើម្បីស្ដាប់ សំឡេង ៖
