មួយរយៈកន្លងទៅ អ្នកលេងបណ្តាញសង្គមហ្វេសប៊ុក និង Tik Tok ជាពិសេសអ្នកគាំទ្រសមាជិករបស់ Veesa បានចាប់អារម្មណ៍ខ្លាំងនឹងសកម្មភាពរបស់លោក ហេង វាសនា ដែលគេស្គាល់ជាបងប្រុស ហេង វិសាល និង កំលោះតូច Fong មានភាពស្និទ្ធស្នាលប្លែកមើលទៅលើសពីមិត្តធម្មតា។
ក្នុងនោះដែរ អ្នកគាំទ្របានផ្ទុះការសង្ស័យពីទំនាក់ទំនងរបស់បុរសសង្ហាទាំងពីររូបនេះ បន្ទាប់ពីបានឃើញលោក ហេង វាសនា និង លោក Fong បានបង្ហោះវីដេអូស្និទ្ធស្នាលគ្នាជាបន្តបន្ទាប់ ពិសេសនោះគឺវីដេអូសកម្មភាពរបស់អ្នកទាំងពីរ បានថតឈុតបុរាណជាគូជាមួយគ្នានៅលើទឹកដីប្រាសាទអង្គរវត្ត ខេត្តសៀមរាប។
ដោយឡែក ក្រោយបង្ហាញពីភាពស្និទ្ធស្នាលផ្អែមល្ហែមមួយរយៈ និង ផ្ទុះចម្ងល់ពីមហាជនថាជាការសម្ដែង ឬយ៉ាងណា ថ្មីៗនេះ ក៏បានឃើញប្រុសសង្ហាទាំងពីររូប គឺលោក ហេង វាសនា និង លោក Fong Vee បានចូលរួមធ្វើកិច្ចសម្ភាសក្នុងកម្មវិធី «3 FUN» ដែលបានរៀបរាប់ទំនាក់ទំនងរវាងអ្នកទាំងពីរ ថែមទាំងទម្លាយពីប្រវត្តិខ្លះៗនៃការផ្ដើមស្នេហ៍ទៀតផង។ ដ្បិតតែកម្មវិធីទើបចេញវីដេអូ TEASER ខ្លីមែន តែតាមការរៀបរាប់ខ្លីៗក្នុងកិច្ចសម្ភាសនេះ បានបង្ហាញឱ្យដឹងថាអ្នកទាំងពីរពិតជាមានទំនាក់ទំនងស្នេហានឹងគ្នាមែន៕
សូមចុចទីនេះដើម្បីទស្សនាវីដេអូ៖
