នៅថ្ងៃទី ០៥ ខែកុម្ភៈ ឆ្នាំ ២០២៥ នេះ អគ្គិសនីកម្ពុជា បានជូនដំណឹងស្ដីពីការអនុវត្តការងារជួសជុល ផ្លាស់ប្ដូរដំឡើងបរិក្ខារនានា និង រុះរើគន្លងខ្សែបណ្ដាញអគ្គិសនីរបស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ ដែលធ្វើឱ្យមានបញ្ហារអាក់រអួលចរន្តអគ្គិសនីប្រើប្រាស់នៅតំបន់មួយចំនួនទៅតាមពេលវេលា ចាប់ពីថ្ងៃទី ០៦ ខែកុម្ភៈ ឆ្នាំ ២០២៥ ស្អែកនេះ ដល់ថ្ងៃទី ០៩ ខែកុម្ភៈ ឆ្នាំ ២០២៥។
ក្នុងនោះ អគ្គិសនីកម្ពុជា បានបញ្ជាក់ថា បើទោះបីជាមានការខិតខំថែរក្សាមិនឱ្យមានការប៉ះពាល់ដល់ការផ្គត់ផ្គង់អគ្គិសនីធំដុំក៏ដោយ ប៉ុន្តែការផ្គត់ផ្គង់ចរន្តអគ្គិសនីនៅតំបន់ខាងលើ អាចនឹងមានការរអាក់រអួលខ្លះៗជៀសមិនផុត ដោយស្នើសុំអភ័យទោសទុកជាមុន ខណៈតំបន់ដែលនឹងមានផលប៉ះពាល់នោះមានដូចជា ៖
១. ថ្ងៃទី ០៦ ខែកុម្ភៈ ឆ្នាំ ២០២៥ ៖
* ក្នុងចន្លោះម៉ោង ៨ ដល់ម៉ោង ១៣ ៖ មានខណ្ឌជ្រោយចង្វារ និង ខណ្ឌឬស្សីកែវ
* ក្នុងចន្លោះម៉ោង ៨ ដល់ម៉ោង ១៦ ៖ មាន ខណ្ឌឬស្សីកែវ
២. ថ្ងៃទី ០៧ ខែកុម្ភៈ ឆ្នាំ ២០២៥ ៖
* ក្នុងចន្លោះម៉ោង ៨ ដល់ម៉ោង ១៣ ៖ មានខណ្ឌបឹងកេងកង និង ខណ្ឌដង្កោ
* ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌមានជ័យ ខណ្ឌពោធិ៍សែនជ័យ និង ខណ្ឌច្បារអំពៅ
៣. ថ្ងៃទី ០៨ ខែកុម្ភៈ ឆ្នាំ ២០២៥ ៖
* ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌមានជ័យ និង ខណ្ឌសែនសុខ
៤. ថ្ងៃទី ០៩ ខែកុម្ភៈ ឆ្នាំ ២០២៥ ៖
* ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌទួលគោក និង ខណ្ឌសែនសុខ៕
សូមអានសេចក្ដីលម្អិតបន្ថែមនៅខាងក្រោម ៖
