ជារឿងដ៏គួរឱ្យភ្ញាក់ផ្អើល និង នឹកស្មានមិនដល់ ដែលនៅថ្ងៃទី ២១ ខែកុម្ភៈ ឆ្នាំ ២០២៤ នេះ មានមគ្គុទេសកម្ពុជាមួយរូបបានបង្ហោះវីដេអូបង្ហាញពីសកម្មភាពជនជាតិបរទេសមួយរូប បាននោមដាក់ដបនៅទីសាធារណៈក្នុងតំបន់អង្គរ ហើយបានចាក់សាចនៅទីតាំងនោះយ៉ាងគ្មានអនាម័យ។
បើតាមការបង្ហោះវីដេអូពីគណនីដែលមានឈ្មោះ Toun Vibollika បានភ្ជាប់ជាមួយសារនៅថ្ងៃទី ២១ ខែ កុម្ភៈ ឆ្នាំ ២០២៥ នេះឱ្យបានដឹងថា ៖ «ក្នុងនាមខ្ញុំជាមគ្គុទ្ទេសក៍ម្នាក់ក្នុងតំបន់សៀមរាបអង្គរ ទទួលយកមិនបាននូវការមើលងាយ និង ទង្វើថោកទាបរបស់ជនជាតិកូរ៉េម្នាក់នេះ (tour leader) នៅប្រាសាទអង្គរ ស្នើរសុំដល់មន្ទីរទេសចរណ៍ចាត់វិធានការលើជនជាតិកូរ៉េម្នាក់នេះ ២១/០២/២០២៥»។
តាមរយៈសកម្មភាពមិនសមរម្យនេះ បានធ្វើឱ្យអ្នកប្រើប្រាស់បណ្ដាញសង្គមបាននាំគ្នាចែករំលែកបន្តគ្នាព្រោងព្រាត ដោយបាននាំគ្នារិះគន់ ទទួលយកមិនបាននូវអាកប្បកិរិយាប្រមាថមើលងាយបែបនេះ ខណៈក្នុងនោះក៏មានអ្នកបញ្ចេញមតិនៅក្នុងខមិនថា ៖ «គាត់ហ្នឹងអ៊ីចឹងឯង ពីព្រោះគាត់មានបញ្ហាតំរងនោម បើអត់បាននោមទេគាត់អាចនឹងដួលសន្លប់បាន»៕
សូមទស្សនាវីដេអូនៅខាងក្រោម ៖
