នៅថ្ងៃទី ១៤ ខែមករា ឆ្នាំ ២០២៥ នេះ ទីភ្នាក់ងារជាតិមុខរបរ និង ការងារ បានជូនដំណឹងឱ្យបានដឹងថា ក្រុមហ៊ុនធំៗ ចំនួន ៦ បាននាំយកឱកាសការងារថ្មីបន្ថែមទៀតចំនួន ១២៦៣ កន្លែង សម្រាប់យុវជន សិស្សនិស្សិត និង អ្នកស្វែងរកការងារ នៅក្នុងបរិវេណក្រសួងការងារ និង បណ្តុះបណ្តាលវិជ្ជាជីវៈ។
ជាក់ស្ដែង ឱកាសការងារដែលផ្ដល់នូវការងារថ្មីបន្ថែមចំនួន ១២៦៣ កន្លែងនេះ នឹងធ្វើឡើងនៅថ្ងៃទី ១៦ ខែមករា ឆ្នាំ ២០២៥ ខាងមុខនេះ ចាប់ពីម៉ោង ៨ ព្រឹក ដល់ម៉ោង ៥ ល្ងាច នៅក្នុងបរិវេណក្រសួងការងារ និង បណ្តុះបណ្តាលវិជ្ជាជីវៈ ខណៈបេក្ខជនអាចដាក់ពាក្យភ្លាម បានសម្ភាសភ្លាមៗ ហើយអត់បទពិសោធក៏អាចដាក់ពាក្យបានដែរ។
សម្រាប់ព័ត៌មានលម្អិតបន្ថែម សូមទាក់ទងទៅកាន់មជ្ឈមណ្ឌលការងាររាជធានីភ្នំពេញរបស់ NEA តាមរយៈលេខ 016 786 655 ឬ 077 232 378៕
