មហាជនអ្នកប្រើប្រាស់បណ្ដាញសង្គម បាននាំគ្នាសម្ដែងក្ដីអាណិតអាសូរ ក្រោយស្ត្រីម្នាក់បានចែករំលែកនូវដំណើរជីវិតរបស់អ៊ំប្រុសមួយរូប ដែលតស៊ូដឹកកន្ទេលមកលក់ពីខេត្តកំពង់ចាម យប់ឡើង សុំវត្តស្នាក់អាស្រ័យ ដើម្បីរកកម្រៃបន្តដំណើរជីវិត។
ទាក់ទិនទៅនឹងរឿងនេះ តាមរយៈគណនីស្ត្រីម្នាក់ដែលមានឈ្មោះ Seng Lita បានរៀបរាប់យ៉ាងក្បោះក្បាយឱ្យបានដឹងថា ៖ «ក្នុងអាយុ ៧០ ឆ្នាំ អ៊ំប្រុសមានរបរសុចរិតបណ្តើរម៉ូតូលក់កន្ទេល ពពាយនាយសុំគេជួយទិញកន្ទេលគាត់មួយ យកលុយចាក់ប្រេង បានជិះបន្តលក់កន្ទេលទៀត។ ខ្ញុំនេះ ប៉ិនខាងអាណិត ជាក់ស្ដែងអត់តម្រូវការទិញទេ តែឃើញគាត់ចាស់ហើយ បណ្ដើរម៉ូតូចាស់ឈប់នៅជិតផ្ទះ គាត់ឃើញខ្ញុំជិះម៉ូតូចូលផ្ទះ គាត់ក៏បណ្ដើរម៉ូតូមកឈប់មុខផ្ទះខ្ញុំ ហើយលើកដៃសំពះ ក្មួយៗសុំជួយទិញកន្ទេលអ៊ំមួយផង។
ដោយចិត្តមិនដាច់ទេ ខ្ញុំឱ្យកូនយកទឹកជូនអ៊ំហូបសិន និង ផ្លែឈើតិចតួចជូនអ៊ំ អ៊ំអង្គុយសម្រាកឱ្យបាត់ក្តៅសិន ហើយខ្ញុំជួយទិញកន្ទេលធ្វើពីឫស្សីមួយ តម្លៃ ៧ ម៉ឺនរៀល។ ខ្ញុំមិនដឹងខ្ញុំជួយទិញពីគាត់ថោក ឬ ថ្លៃទេ តែខ្ញុំសួរអ៊ំចំណេញអត់ អ៊ំថាចំណេញតិចតួច។ សំខាន់ខ្ញុំប្រាប់គាត់ថា ខ្ញុំអាណិតគាត់ ខ្ញុំជួយទិញគាត់ ជូនពរអ៊ំលក់កន្ទេលឆាប់អស់ គាត់ត្រេកអរលើកដៃសំពះហើយសំពះទៀត គាត់ថាគាត់បានលុយចាក់ប្រេងហើយ ហ៊ឹមត្រឹមគាត់សប្បាយចិត្តប៉ុណ្ណឹងក៏ខ្ញុំសប្បាយចិត្ត បងៗចង់ជួយទិញកន្ទេលគាត់ អាចតេទៅលេខទូរស័ព្ទគាត់បាន ខ្ញុំបានសុំលេខគាត់ និង ថាចាំជួយបង្ហោះហ្វេសប៊ុកក្រែងលគេចង់ជួយទិញអ៊ំ គាត់ថាបាទៗៗក្មួយ អ៊ំអរគុណហើយ សប្បាយចិត្តជាមួយស្នាមសើចរបស់គាត់»។
តាមប្រភពខាងលើ បានបន្តថា ៖ «អ៊ំមកសាក្រោយ ខ្ញុំនឹងជូនលុយអ៊ំថែមតិចតួចទៀត ព្រោះកន្ទេលឫស្សីនេះ ឃើញបងប្អូនខមិនថាតម្លៃលើសហ្នឹង (ដោយសារក្នុងកាបូបខ្ញុំមានលុយតែ ៧ ម៉ឺន ទើបជូនអ៊ំបានតែប៉ុនហ្នឹង។ គាត់នៅកំពង់ចាម ជិះម៉ូតូកញ្ចាស់ ដឹកកន្ទេលយកមកលក់ យប់ឡើង សុំវត្តស្នាក់អាស្រ័យ ពេលលក់អស់ជិះម៉ូតូទៅស្រុកកំណើតវិញ លេខទូរស័ព្ទអ៊ំ 096 7006872»៕
