កាលពីពេលថ្មីៗនេះ អ្នកលេងបណ្តាញសង្គមហ្វេសប៊ុក បានចែករំលែកនូវវីដេអូមួយរបស់គណនីហ្វេសប៊ុកឈ្មោះ នាយស្តុកតន្ត្រី សិរីមង្គល ដែលបានបង្ហោះនូវវីដេអូរបស់តារាចម្រៀងរ៉េប OG Golden កំពុងតែឆែកសំឡេងនៅមុខឆាកតន្ត្រី និង អមសារមួយឃ្លាថា៖ «វគ្គ ២ មកទៀត តាប៉ែ ម៉ោងស្មាហ្នឹងម៉ោងឡើងច្រៀង មិនមែនម៉ោងគេតេស្តសោនទេ! ផ្លែនៅខាងមុខសាប់ រឿងអីមិនកុង បើវង់ខ្ញុំ ដាច់អស់ហើយ លោកតារា»។
ក្នុងនោះដែរ គ្រាន់តែបានឃើញវីដេអូ និង សំណេរប៉ុន្មានឃ្លាខាងលើ ស្រាប់តែអ្នកលេងបណ្តាញសង្គមហ្វេសប៊ុក ព្រមទាំងអ្នកសិល្បៈមួយចំនួនបានចេញមុខមករិះគន់ដល់លោក OG Golden មិនប្រណីឡើយ។ តែយ៉ាងណា ក្នុងនោះ ក៏មានអ្នកចេញមកបញ្ជាក់ដែរថា វីដេអូនោះ គឺជាការសមឆាកប៉ុណ្ណោះ រីឯម្ចាស់គណនីគ្រាន់តែបង្ហោះ ដើម្បីទទួលបានការ Like និង Share ឱ្យល្បី។
យ៉ាងណាមិញ មិនយូរប៉ុន្មានវីដេអូនោះត្រូវបានលុបចេញ ស្របគ្នានឹងម្ចាស់ជ័យលាភី Rapper Fighter លោក OG Golden បានចេញមកបកស្រាយ និង បញ្ជាក់រកខុសត្រូវច្បាស់ៗថា៖ «ទ្រាំថាទប់មិនចង់មាត់ជាមួយ Video ថ្មីៗ គេជេរខ្ញុំម្នាក់នេះពេញទឹកពេញដី! រឿង Sound Check ថ្ងៃបាត់ដំបង ថ្ងៃនឹងជាថ្ងៃខ្ញុំត្រូវ Sound Check បន្ទាប់មក Producer បានឱ្យខ្ញុំចុះទៅខាងក្រោម ដើម្បីពិនិត្យសំឡេងបាស់ និង Microphone ថាតើវាមានបញ្ហាកុងគ្នាទេ ព្រោះខ្លាចពេលដែលខ្ញុំចុះទៅលេងជាមួយ Fan វាមានបញ្ហា ប៉ុន្តែបងៗខ្លះចេះដឹងច្រើនពេក គាត់ទៅបង្ហោះ Video ខ្ញុំ រួចមានបងៗអ្នកចេះៗជាច្រើនទៀត ចូលមកដៀលក្បាលខ្ញុំ ខ្លះទៀតលេងជេរដល់ម៉ែ ហេតុអ្វីបានជា មនុស្សយើងរាល់ថ្ងៃចូលចិត្តម្ល៉េះ ខាងតែស្ករហ្នឹង? គេខ្មៅ ខ្មៅដែរ! គេស សដែរ Tf……ចុកហា Ex»។
លើសពីនោះទៀត ក៏មានអ្នកបច្ចេកទេសក្រុមសំឡេងមានគណនីឈ្មោះ Poung Phea ដែលបានរួមការងារជាមួយលោក OG Golden ក៏បានចេញមកបញ្ជាក់ដូចគ្នាលើបញ្ហាខាងលើនេះថា៖ «ការបកស្រាយរឿងអត់ប្រយោជន៍ មិនដែលជាចំណូលចិត្តរបស់ពួកយើងឡើយ ប៉ុន្តែបងប្អូនមួយចំនួនតាំងខ្លួនជាតុលាការវាយប្រហារក្មេងប្រុសម្នាក់ ដែលជាចំហក្នុងគ្រួសារតូចមួយ ដែលឆ្លងកាត់ព្យុះភ្លៀវរាប់មិនអស់។ រូបថតមួយនេះ គឺជាសកម្មភាពគាត់សំដែងពិតប្រាកដក្នុងថ្ងៃទី ១ នៃពិធីបុណ្យចូលឆ្នាំខ្មែរ។ Video ដែលបានបង្ហោះគឺជាសកម្មភាពម៉ោង ១០ យប់ ក្នុងពេលហាត់សម (កំឡុងពេលហាត់សមតែងតែមានអ្នកគាំទ្រមកទស្សនាជាប្រចាំ ពុំបាច់ឆ្ងល់នោះទេ)។ ទម្លាប់នៃការហាត់សម ចម្រៀង Rap មានលក្ខណៈខុសពីចម្រៀងធម្មតា ដូចជាការដើរទៅជិតអ្នកគាំទ្រជារឿងធម្មតាបំផុត សុំមិនពន្យល់វែងឆ្ងាយដោយសារវាជាបច្ចេកទេស និង ការសម្រេចចិត្តទាំងស្រុងក្នុងការរៀបចំ Concert របស់ Producer ចង់ឱ្យគាត់ដើរទៅណា ច្រៀងបែបណារួចចាំគេរៀបចំទីតាំង Sound តាមក្រោយក៏បាន មិនជាបញ្ហានោះទេ ក្រុមការងារ Sound របស់យើងសុទ្ធតែជាអ្នកជំនាញ ឱ្យតែពេលហាត់សម យើងដឹងដំណើររបស់គ្នាទៅវិញទៅមក។ ការបកស្រាយវែកញែកទៅលើការងារ ដែលខ្លួនគ្មានជំនាញ គ្រាន់តែជាជនរងគ្រោះរបស់ម្ចាស់ Page ដែលយក Video ចេញពី Acc Tiktok អ្នកផ្សេង រួច Post ដាក់ caption ដើម្បីទាក់ទាញ Like និង Share ប្រម៉ូតក្រុមតន្រ្តីខ្លួន គ្រាន់តែដើម្បី like និង Share បង្កើតរឿង ថោកទាបបំផុត ខ្ញុំចង់បញ្ជាក់ថាម្ចាស់ Page ដែល post មិនមែនជាក្រុមការងារ ឬផ្នែកណាមួយនៃពួកយើងនោះទេ។ ចំណាត់ការល្អបំផុត ឃើញ post មួយ report មួយ សូមលុបបំបាត់ពត៌មានក្លែងក្លាយ ពួកឆ្លៀតឱកាស»៕
