ជាការពិតណាស់ កន្លងមកមហាជននិយមតាមដានវីដេអូខ្លីៗ ដែលដឹកនាំដោយ នាយព្រែក និង លោក Rainnie Dara ច្បាស់ជាធ្លាប់បានឃើញមកហើយ ពីការចូលរួមសម្តែងដោយ អូនក្តិប ដែលគេស្គាល់តាមរយៈបណ្តាញសង្គម Tik Tok នូវពាក្យមួយឃ្លាថា «អ៊ួយឡើងឆ្ងាញ់»។
កាលនោះ គេចាំបានថា ក្រោយទទួលបានការចាប់អារម្មណ៍ហើយនោះ អូនក្តិប ក៏ត្រូវបាន តារាប្រុសស្រីជាច្រើនទៀត បានទាក់ទងទៅចូលរួមសម្តែង និង ជួយជ្រោមជ្រែងដើម្បីទំនុកបម្រុងក្រុមគ្រួសារ ដែលកំពុងខ្វះខាត។ យ៉ាងណាមិញ រយៈពេលប្រមាណជា ១ ឆ្នាំ ចុងក្រោយនេះ អូនក្តិប ក៏មិនបានបង្ហាញវត្តមានក្នុងការសម្តែងជាមួយ ដូចមុនទៀតឡើយ ដែលធ្វើឱ្យមហាជនជាច្រើនបាននាំគ្នាបញ្ចេញយោបល់សួរនាំហូរហែ។
យ៉ាងណាមិញ ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រ អូនក្តិប កំពុងចាប់អារម្មណ៍បន្ទាប់ពី លោក Rannine Dara បានបង្ហោះវីដេអូ ២ បន្តបន្ទាប់គ្នាមួយជាមួយ អូនក្តិប ដោយវីដេអូទី ១ លោក Rannie Dara បានទៅជួបសុខទុក្ខ អូនក្តិប នៅផ្ទះ និង បានសួរនាំពីជីវភាពគ្រួសាររបស់ អូនក្តិប។
ក្នុងវីដេអូនោះដែរ ក្រោយលោក Rannie Dara បានបង្ហោះហើយនោះ ក៏មានអ្នកគាំទ្របង្ហាញការសួរសុខទុក្ខដល់ អូនក្តិប និង មានការបញ្ចេញមតិអវិជ្ជមានជាច្រើនពី អូនក្តិប ផងដែរ។ ក្រោយវីដេអូទី ១ អូនក្តិប ទទួលបានមតិអវិជ្ជមានពីមហាជននោះ លោក Rannie Dara ក៏បានធ្វើការបង្ហោះវីដេអូទី ២ របស់ អូនក្តិប ដើម្បីអរគុណសម្រាប់ការគាំទ្រ និង សុំទោសនូវកំហុសឆ្គងរបស់ខ្លួន ដែលធ្លាប់ធ្វើកន្លងមកដែរ៕
សូមចុចទីនេះ ដើម្បីទស្សនាវីដេអូទី ១៖
សូមចុចទីនេះ ដើម្បីទស្សនាវីដេអូទី ២៖
