មហាជន ជាពិសេស យុវវ័យនិយមចូលចិត្តលេង និង ទស្សនាកីឡាអេឡិចត្រូនិក Mobile Legends ច្បាស់ជាបានស្គាល់មកហើយនូវកីឡាកររូបសង្ហារជនជាតិហ្វីលីពីននៅក្នុងក្រុម BURN X Flash គឺលោក Donut ដែលមានឈ្មោះពិតថា Marius Tan។
កីឡាកររូបសង្ហាជនជាតិហ្វីលីពីននៅក្នុងក្រុម BURN X Flash មិនត្រឹមតែមានថ្វីដៃក្នុងការលេងហ្គេមអេឡិចត្រូនិក និង ធ្លាប់ទទួលបានបានពាននោះទេ តែលោកក៏ជាកីឡាករមួយរូបដែលទទួលបានការគាំទ្រ និង ចាប់អារម្មណ៍ខ្លាំងពីសំណាក់ហ្វេនៗទាំងបុរស និង នារី។
យ៉ាងណាមិញ កាលពីថ្ងៃទី ១៥ ខែឧសភា ឆ្នាំ ២០២៥ កន្លងទៅនេះ កំលោះ Donut បានធ្វើឱ្យអ្នកគាំទ្រនារីៗមួយចំនួនខូចចិត្តបន្តិចដែរ ខណៈលោកបានដឹកដៃមិត្តស្រីបញ្ចប់ងារជាសង្សារ ភ្ជាប់ពាក្យក្លាយជាគូដណ្តឹងនឹងគ្នា។
ក្នុងនោះ គូដណ្តឹងរបស់លោក Donut គឺជានារីខ្មែរ គឺកញ្ញា រចនា ឯណាលី ដែលបានទាក់ទងគ្នាជាច្រើនឆ្នាំមកហើយ។ យ៉ាងណាមិញ ទន្ទឹមនឹងមានការខមមិនខកចិត្តពីអ្នកគាំទ្រនារីៗ ដែលលួច Crush លោក Donut នោះ ក៏មានការចូលរួមអបអរសាទរជាបន្តបន្ទាប់ ដល់អនាគតស្វាមីភរិយាថ្មីមួយគូនេះដែរ៕
រូបភាព៖ The Memoire Wedding
