ជុំវិញរឿងរ៉ាវឯកជនរបស់កំពូលតារាចម្រៀងស្រី មាស សុខសោភា មួយរយៈមុនកន្លងទៅ លើហ្វេសប៊ុកមហាជនបានផ្ទុះចាប់អារម្មណ៍ចែករំលែកខ្លាំង ពាក់ព័ន្ធនឹងទំនាក់ទំនងរវាងអ្នកនាងជាមួយនឹងតាសក់សភ្នំត្បែង ដោយអ្វីកាន់តែមានការភ្ញាក់ផ្អើល ក្រោយឃើញតាសក់សភ្នំត្បែងរូបនោះ បាននិយាយប្រកាសក្នុងការឡាយលើហ្វេសប៊ុកថាលោកជាស្វាមីរបស់កំពូលតារាស្រីរូបនេះ។
លើសពីនេះ កាលពីថ្មីៗកន្លងទៅ តាមរយៈការបង្ហោះសារមួយ របស់កំពូលតារាចម្រៀង មាស សុខសោភា ក៏បានធ្វើឱ្យមហាជនកាន់តែផ្ទុះការចាប់អារម្មណ៍ជុំវិញរឿងរ៉ាវទំនាក់ទំនងនេះ ខណៈឃើញមានការឆ្លើយឆ្លងខំមិនពីកំពូលតារាចម្រៀងរូបនេះ ជាមួយអ្នកគាំទ្រ ដោយឃើញអ្នកនាងប្រើពាក្យហៅតាសក់សភ្នំត្បែង ថា ស្វាមីៗ យ៉ាងច្បាស់ទៀតផង។
ដោយឡែក ថ្មីៗកន្លងទៅនេះ លើហ្វេសប៊ុកផេកផ្លូវការរបស់កំពូលតារាចម្រៀង មាស សុខសោភា កំពុងធ្វើឱ្យមហាជនចាប់អារម្មណ៍ចែករំលែកជាថ្មី ក្រោយពីបានឃើញអ្នកនាងបង្ហោះវីដេអូមួយ បង្ហាញពីសកម្មភាពដើរកម្សាន្តតាមកន្លែងនានា ពិសេសលើភ្នំមួយនៅទឹកដីខេត្តសៀមរាប ដែលក្នុងនោះក៏ឃើញសកម្មភាព និង រូបភាពជាគូរវាងកំពូលតារាចម្រៀងរូបនេះ និង តាសក់សភ្នំត្បែង ហាក់ចង់បង្ហាញពីទំនាក់ទំនងរវាងអ្នកទាំងពីរកាន់តែច្បាស់ផងដែរ៕
សូមចុចទីនេះដើម្បីទស្សនាវីដេអូ៖
