ពិតណាស់ ថ្មីៗនេះ មហាជនអ្នកគាំទ្រលើបណ្ដាញសង្គមកំពុងផ្ទុះចាប់អារម្មណ៍ចែករំលែកខ្លាំងទាក់ទងនឹងផ្លែស្ពឺ ដែលល្បីថាជាស្ពឺផ្ដើមស្នេហ៍នៃប្រវត្តិស្នេហារបស់សម្ដេចធិបតី ហ៊ុន ម៉ាណែត និង លោកជំទាវ ដោយបានធ្វើឱ្យមហាជនភាគច្រើនបុរសៗចែករំលែក និង មានបំណងចង់បេះផ្លែស្ពឺជូនមនុស្សស្រីដែលខ្លួនស្រឡាញ់ញ៉ាំទៀតផង។
ជាក់ស្ដែង ក្រឡេកមើលហ្វេសប៊ុករបស់តារាចម្រៀងប្រុស STEP ក៏បានឃើញលោកបង្ហោះរូបភាពកាន់ផ្លែស្ពឺ ដែលបានបេះត្រៀមនឹងឱ្យមនុស្សស្រីដែលលោកស្រឡាញ់ផងដែរ។ ក្នុងនោះ តាមរយៈរូបភាពត្រូវបានគេចាប់អារម្មណ៍ថា លោក STEP បានឱ្យផ្លែស្ពឺនោះទៅកាន់ដៃគូម្ចាស់ចិត្ត គឺស្រីស្អាត SK ដោយកន្លងមក លោកក៏បានបញ្ជាក់ថានាងជាមនុស្សស្រីដែលលោកតាមសុំស្រឡាញ់ជាច្រើនឆ្នាំមកហើយ។
លើសពីនេះ ងាកមើលហ្វេសប៊ុកខាងស្រីវិញ គឺកញ្ញា SK ក៏បានឃើញនាងទទួលផ្លែស្ពឺពីលោក STEP និង ផ្ដិតរូបភាពយ៉ាងស្រស់ស្អាតភ្ជាប់ជាមួយសារថា ៖ «ស្ពឺនេះបានមកពីណា…??»៕
