ប្រិយមិត្តបានដឹងខ្លះៗមកហើយ អំពីព័ត៌មានរបស់កុមារា ឆលី ក្រោយក្រុមគ្រួសារបញ្ជូនទៅបន្តព្យាបាលនៅប្រទេសម៉ាឡេស៊ី។
ក្រោយទៅដល់មន្ទីរពេទ្យប្រទេសម៉ាឡេស៊ី និង ព្យាបាលបានមួយរយៈ គ្រូពេទ្យបានឱ្យដឹងថា ឆលី អាចបញ្ចូលកោសិកាដើម្បីព្យាបាលបាន ដែលនេះជាក្តីសង្ឃឹមថ្មីមួយសម្រាប់ ឆលី និង ក្រុមគ្រួសារ។ ស្របគ្នានោះ ងាកទៅមហាជនក៏បានបង្ហាញក្តីរំភើបផងដែរ ដែលទទួលបានព័ត៌មាននោះ។
យ៉ាងណាមិញ ក្រោយពេលបានទៅព្យាបាលនៅប្រទេសម៉ាឡេស៊ីមួយរយៈ ស្រាប់តែនៅល្ងាចថ្ងៃទី ២ ខែវិច្ឆិកា ឆ្នាំ ២០២៥ នេះ តាមរយៈទំព័រហ្វេសប៊ុកផេកឪពុករបស់កុមារ ឆលី ឈ្មោះ Charlie – ឆលី Ponleu Virakboth បានបង្ហោះសារមួយធ្វើឱ្យមហាជនភ្ញាក់ផ្អើលយ៉ាងខ្លាំង ដោយសារនោះបានសរសេរថា ៖ «ឆលី ទៅបានសុខហើយបងប្អូន អមដោយអីម៉ូជីសំពះ និង យំ»។
តាមរយៈការបង្ហោះនេះបានធ្វើឱ្យអ្នកលេងបណ្តាញសង្គមហ្វេសប៊ុក ដែលតែងអាណិតស្រឡាញ់ ឆលី ក្តុកក្ដួលអួលណែនយ៉ាងខ្លាំង ព្រោះថាកុមាររូបនេះបានតតាំងនឹងជំងឺដ៏សាហាវនេះលុះដល់វេលាចុងក្រោយ៕
