ថ្ងៃនេះស្បើយខ្លះ! ត្រឹម ២៤ ម៉ោង រកឃើញអ្នកឆ្លង ៥៣៨ នាក់ ជាសះស្បើយ ៥៣៤ នាក់ ឯអ្នកស្លាប់មាន ១០ នាក់
នៅថ្ងៃទី ០៥ ខែមិថុនា ឆ្នាំ ២០២១ នេះជុំវិញករណីជំងឺកូវីដ-១៩ ក្នុងប្រទេសកម្ពុជា ក្រសួងសុខាភិបាល បានប្រកាសព័ត៌មានឱ្យបានដឹងថា កម្ពុជាបានរកឃើញអ្នកឆ្លងជំងឺកូវីដ-១៩ ចំនួន ៥៣៨ នាក់បន្ថែមទៀតហើយ ដែលក្នុងតួលេខនេះភាគច្រើនជាករណីឆ្លងក្នុងសហគមន៍ ដោយមានអ្នកធ្វើដំណើរក្រៅប្រទេសត្រឹមតែ ២៩ ករណី ។
ទន្ទឹមនឹងតួលេខឆ្លងដ៏ច្រើននេះ តាមរយៈសេចក្ដីប្រកាសរបស់ក្រសួងសុខាភិបាលបានបញ្ជាក់ផងដែរថា អ្នកបាត់បង់ជីវិតដោយសារជំងឺកូវីដ-១៩ នៅថ្ងៃនេះ មានចំនួន ១០ នាក់ និង មានអ្នកជាសះស្បើយពីជំងឺកូវីដ-១៩ អាចត្រឡប់ទៅផ្ទះវិញ គឺមានចំនួន ៥៣៤ នាក់ ។
គួរឱ្យដឹងផងដែរថា គិតត្រឹមថ្ងៃទី ០៥ ខែមិថុនា ឆ្នាំ ២០២១ នេះ ចំនួនករណីឆ្លងកូវីដ-១៩ ក្នុងប្រទេសកម្ពុជារួមមាន ៖
– ករណីឆ្លងសរុបទូទាំងប្រទេសឡើងដល់ ៣៣៦១៣ នាក់
– អ្នកជាសះស្បើយមានចំនួន ២៦០៧៨ នាក់
– អ្នកស្លាប់ចំនួន ២៥២ នាក់ ៕
សូមអានព័ត៌មានលម្អិតខាងក្រោម ៖