មានករណីរបស់នារីជនជាតិចិនម្នាក់បានពពោះកូនភ្លោះដល់ទៅ ៩ នាក់ក្នុងពោះតែមួយ តែចុងក្រោយនាងសម្រេចវះយកចេញ ទុកតែ ២ នាក់វិញ ព្រោះប្រឈមនឹងគ្រោះថ្នាក់ខ្លាំង។
តាមព័ត៌មានបានឱ្យដឹងថា នារីរូបនេះមានវ័យ ២៥ ឆ្នាំ នាងព្យាយាមមានកូនច្រើនដងហើយតែមិនសម្រេច ទើបបានទៅទទួលសេវាកម្មការចាក់ថ្នាំរំញោចអូវុលនៅឯមន្ទីរពេទ្យនៅក្នុងតែតុលា ឆ្នាំ ២០២៤ កន្លងទៅ។ ក្រោយមកតែមួយខែ នាងក៏ពពោះបានសម្រេច តែពេទ្យបានពិនិត្យឃើញនាងមានថង់សុកទៅដល់ ៩ ឯណោះនៅក្នុងស្បូន ព្រមទាំងមានកូននៅក្នុងនោះមួយៗ ដែលនេះគឺជាករណីកូនភ្លោះដ៏កម្របំផុត។
យ៉ាងណាមិញ ដោយកត្តាប្រឈមនឹងគ្រោះថ្នាក់ទាំងម្តាយ និង កូនខ្ពស់ពេក គ្រូពេទ្យក៏បានណែនាំឱ្យមានការវះកាត់យកចេញខ្លះ ហើយនាង និង ស្វាមីក៏បានសម្រេចិត្តទុកនៅត្រឹមតែ ២ នាក់ប៉ុណ្ណោះ។ ដោយឡែក ពេលនេះនាង និង ស្វាមីក៏បានត្រៀមដំណើរការតាមផ្លូវច្បាប់ជាមួយនឹងមន្ទីរពេទ្យផងដែរ ព្រោះតែគេមិនប្រាប់ឱ្យនាងដឹងមុនថាការរំញោអូវុល អាចធ្វើឱ្យនាងមានកូនភ្លោះច្រើន ដែលធ្វើឱ្យនាងត្រូវខាតបង់ពេលវេលា និង ថវិកាជាច្រើន៕
ប្រភព៖ Sanook
