សារព័ត៌មាន Sin Chew បានចែករំលែកវិធីសង្កេតគូស្នេហ៍ដ៏គួរឱ្យចាប់អារម្មណ៍មួយពីអ្នកចិត្តវិទ្យាជនជាតិតៃវ៉ាន់ម្នាក់ ថាតើគេអាចនឹងក្បត់ចិត្តឬទេ ដោយគ្រាន់តែសង្កេតមើលរឿងម៉្យាងនេះនៅពេលចេញញ៉ាំអាហារខាងក្រៅជាមួយគ្នា។
អ្នកចិត្តវិទ្យារូបនេះបានឱ្យដឹងថា មនុស្សដែលមានភាគរយក្បត់ច្រើន គឺជាមនុស្សដែលមិនចូលចិត្ត ឬ គេចវេសការប្រកែក ឬ ឈ្លោះទាស់ទែងនូវរឿងដែលខ្លួនមិនពេញចិត្ត មានន័យថា បើពួកគេមិនពេញចិត្តរឿងមួយនៅក្នុងរឿងស្នេហា ពួកគេនឹងមិននិយាយ ឬ បង្ហាញឱ្យដឹងពីវាឡើយ ហើយពួកគេនឹងរកផ្លូវចាកចេញទៅរកអ្នកថ្មីតែម្តង។
ជាក់ស្តែង បើសង្កេតនៅក្នុងពេលញ៉ាំអាហារនៅខាងក្រៅជាមួយគ្នា បើសិនជាមានគេលើកអាហារមកឱ្យខុសពីមីនុយដែលបានកុម្ម៉ង់ មនុស្សប្រភេទនេះនឹងតែងតែនិយាយថាមិនអីទេ និង ព្រមទទួលយកអាហារនោះ ទាំងដែលក្នុងចិត្តមិនពេញចិត្តទាល់តែសោះក៏ថាបាន៕
ប្រភព៖ Kapook
