គួរឱ្យសរសើរ! បវរកញ្ញាភេទទី ៣ កម្ពុជា ៥ រូប បំបែកកំណត់ត្រាឈ្នះមកុដ និង បើកទ្វារចូល Top ឱ្យកម្ពុជា

រយៈពេលជាង ៥ ឆ្នាំមកហើយ ដែលកម្មវិធីប្រកួតសម្រស់ភេទទី ៣ Miss Queen Cambodia ដំណើរការប្រកួតជ្រើសរើសបវរកញ្ញាប្រចាំឆ្នាំតាំងពីឆ្នាំ ២០២០ និង បញ្ជូនបវរកញ្ញាតំណាងប្រទេសក្នុងតំណែងផ្សេងៗជាបន្តបន្ទាប់លើឆាកអន្តរជាតិ ចាប់តាំងពីឆ្នាំ ២០២២ មក ដោយមានបវរកញ្ញាភេទទី ៣ ចំនួន ៥ រូបហើយ បានឈរលើឆាកអន្តរជាតិបំបែកកំណត់ត្រាគ្រងមកុដ និង ទទួលបានជ័យលាភីលំដាប់រង ព្រមទាំងឈានជើងចូល Top កំពូលតាមកម្មវិធីអន្តរជាតិនីមួយៗពេញដោយមោទកភាពសម្រាប់វិស័យបវរកញ្ញាកម្ពុជា។

១. Miss Queen Cambodia 2020 កញ្ញា សៃ ហ្វុន ជាប់ Top 11 នៃកម្មវិធី Miss International Queen 2022 នៅប្រទេសថៃ កាលពីថ្ងៃទី ២៥ ខែមិថុនា ឆ្នាំ ២០២២

២. Miss Universe Trans Cambodia 2023 កញ្ញា ពេជ្រ គីរ៉ា ឈ្នះមកុដ QUEEN UNIVERSE TRANS INTERNATIONAL 2023 នៅប្រទេសឥណ្ឌា កាលពីថ្ងៃទី ៤ ខែធ្នូ ឆ្នាំ ២០២៣ 

៣. Miss Universe Trans Cambodia 2024 កញ្ញា An Jolyden ទទួលបានតំណែងលំដាក់រងទី ២ នៃ Miss Universe Trans ប្រទេសឥណ្ឌា កាលពីថ្ងៃទី ៦ ខែធ្នូ ឆ្នាំ ២០២៤

៤. Miss Equality Cambodia 2024 កញ្ញា Miga Diva ជាប់ Top 8 នៃកម្មវិធី Miss Equality World 2024 នៅប្រទេសថៃ កាលពីថ្ងៃទី ១៧ ខែតុលា ឆ្នាំ ២០២៤ កន្លងទៅ

៥. Miss Star Cambodia 2024 កញ្ញា នៀន នៀន ជាប់ TOP 16 នៃកម្មវិធី Miss Star International 2024 នៅប្រទេសប្រេស៊ីស កាលពីថ្ងៃទី ១៤ ខែធ្នូ ឆ្នាំ ២០២៤ កន្លងទៅ៕