និយាយពីតារាសម្តែងវ័យក្មេងកុមារី សរពេជ្ញ ម៉ានីកា ដែលទើបតែមានវ័យ ១២ ឆ្នាំទេ តែនាងតូចតែងទទួលបានការចាប់អារម្មណ៍ខ្លាំងជាមួយនឹងទេពកោសល្យសម្តែងក្នុងវិស័យខ្សែភាពយន្តខ្មែរជាច្រើនកន្លងមក។
ទោះបីជាអាយុនៅតិចក៏ពិតមែនតែកុមារី សរពេជ្ញ ម៉ានីកា មានជំនាញក្នុងការសម្តែងជាច្រើនទម្រង់ នៅក្នុងវិថីសិល្បៈ ក៏ព្រោះតែនាងបានចូលប្រឡូកក្នុងវិស័យសិល្បៈតាំងពីអាយុ ៣ ឆ្នាំមកម្ល៉េះ។ លើសពីនោះ ម៉ានីកា មិនត្រឹមតែជាតារាសម្តែងប៉ុណ្ណោះទេ តែតារាស្រីវ័យក្មេងមានដុងសិល្បៈពេញខ្លួនរូបនេះ ក៏មានអាចរាំរបាំ និង ច្រៀងថែមទៀតផង។
លើសពីនេះ តារាសម្ដែងវ័យក្មេងរូបនេះ មិនត្រឹមតែទទួលបានការចាប់អារម្មណ៍ក្នុងវិស័យសិល្បៈនោះទេ តែនាងក៏បានធ្វើឱ្យមហាជនអ្នកគាំទ្រចាប់អារម្មណ៍ជាមួយនឹងជីវិតឯកជនរបស់នាងតូចផងដែរ ដោយតែងឃើញបញ្ចេញរូបភាពលេងស្ទីលតុបតែងខ្លួនថតរូបប្រៀបដូចមនុស្សពេញវ័យយ៉ាងទាក់ទាញ បូករួមទាំងរូបសម្រស់ដ៏ស្រស់ស្អាតគួរឱ្យស្រឡាញ់របស់នាងទៀតនោះ។
កាន់តែពិសេសទៀត គេឃើញនាងតូចបង្ហាញពីជីវិតយ៉ាងហាយសូរទាំងវ័យក្មេង ដោយធ្លាប់ឃើញសកម្មភាពដើរកម្សាន្តនៅក្រៅប្រទេសផ្សេងៗ និង មានឡានទំនើបដាក់ស្លាកលេខពិសេសឈ្មោះផ្ទាល់ខ្លួនថែមទាំងផង។
យ៉ាងណាមិញ ថ្មីៗកន្លងទៅនេះ ម៉ានីកា កាន់តែធ្វើឱ្យមហាជនអ្នកគាំទ្រចាប់អារម្មណ៍ខ្លាំងពីជីវិតឯកជនរបស់នាង ខណៈបានស្ដាប់នាងក្នុងកម្មវិធីកិច្ចសម្ភាស «Celeb Spicy Talk» ដែលបានរៀបរាប់ទាក់ទងនឹងជីវិតសិល្បៈ ព្រមទាំងរឿងរ៉ាវឯកជនផ្សេងៗរបស់នាងតូច។ ក្នុងនោះ ម៉ានីកា ក៏បានរៀបរាប់ឱ្យដឹងថារយៈពេលដែលនាងប្រឡូកសិល្បៈសម្ដែងជិត ១០ ឆ្នាំ ពោលគឺតាំងពីឆ្នាំ ២០១៦ មកនេះ បើនិយាយទាក់ទងនឹងចំណូល គឺនាងអាចជួយផ្គត់ផ្គង់ជ្រោមជ្រែងលើជីវិតដោយខ្លួនឯងបាន ទាំងការរៀនសូត្រ លើសពីនេះ ថែមទាំងអាចជួយទុក្ខធុរៈគ្រួសារទៀតផង៕
សូមចុចទៅនេះដើម្បីទស្សនាវីដេអូ៖
