មកទល់ពេលនេះ កម្មវិធី Miss Universe Cambodia 2025 បានដំណើរការប្រកួតឈានដល់វគ្គប្រកួតប្រជែងពាក្យគន្លឹះឬ Keyword Challenge ដែលតម្រូវឱ្យបេក្ខភាពម្នាក់ៗធ្វើការបកស្រាយទៅលើ Keyword ដើម្បីយកពិន្ទុក្នុងរយៈពេលត្រឹមតែមួយនាទី។
ចំណោមបេក្ខភាពខ្លាំងៗ ក្នុងនោះឃើញថា បេក្ខភាព MUC11 គឺ កញ្ញា ហួន ស្រីខួច ចាប់បាន Keyword ៖ «Access To Education» ឬ «ការទទួលបានការអប់រំ»។ ហាក់ត្រូវទៅនឹងខ្សែជីវិតពិតរបស់ខ្លួន កញ្ញាបានបកស្រាយទាំងអួលដើម-ក ដោយរំឭកអំពីជីវិតគ្រាគ្មានលទ្ធភាពចូលសាលា និង ការប្រើមតិតស៊ូ ចំពោះបញ្ហានេះមកដល់សព្វថ្ងៃ។
ជាក់ស្តែង នាងបានបកស្រាយជាភាសាអង់គ្លេស ដោយមានអត្ថន័យជាភាសាខ្មែរដូចតទៅ៖ «ការទទួលបានការអប់រំ។ វាគឺជាអ្វីមួយដែលទាក់ទងទៅនឹងរឿងពិតរបស់ខ្ញុំ ហើយវាពិតជាជ្រាលជ្រៅចំពោះខ្ញុំ ព្រោះវាបានក្លាយជាមតិតស៊ូរបស់ខ្ញុំជាយូរមកហើយ។ ធំឡើងក្នុងគ្រាដ៏លំបាកក្នុងការចូលសិក្សានៅសាលា ដោយសារតែគ្រួសារខ្ញុំមានបញ្ហាហិរញ្ញវត្ថុ ប៉ុន្តែខ្ញុំបានប្រាប់ខ្លួនឯងថា ថ្ងៃណាមួយ ខ្ញុំនឹងមានក្មេងដទៃទៀត ដែលមិនអាចមានលទ្ធភាពទៅសាលា ក្មេងដែលជួបបញ្ហាដូចជារូបខ្ញុំ។
កុមារជាច្រើនធ្វើការសកម្មនៅវ័យក្មេង ក៏មិនមែនព្រោះតែពួកគេចង់ធ្វើវាដែរ នេះក៏ដោយសារការអប់រំ វាមិនមែនជាអាទិភាព វាមិនអាចទទួលបានដោយងាយស្រួល។ ហេតុដូច្នេះ នៅពេលនេះ ខ្ញុំបានកំពុងសាងសង់មជ្ឈមណ្ឌលសិក្សា ដើម្បីជួយឱ្យកុមារ ដែលមិនមានលទ្ធភាពចូលសាលា និង បង្កើតកន្លែងសម្រាប់ពួកគេ ដើម្បីដឹងថា អនាគតរបស់ពួកគេពិតជាសំខាន់។ ហើយកម្មវិធី Miss Universe Cambodia គឺជាវេទិកាដ៏ធំ ដែលនឹងជួយសម្រេចគោលដៅរបស់ខ្ញុំក្លាយជាការពិត។ ចំណេះគឺជាស្ពាន ខ្ញុំជឿជាក់ថា ការអប់រំគឺជាគ្រឹះនៃការផ្លាស់ប្តូរយ៉ាងពិតប្រាកដសម្រាប់ប្រទេសរបស់ខ្ញុំ។ កុមារសមនឹងទទួលបានឱកាសដើម្បីក្តីសុបិន»៕
