នៅថ្ងៃទី ២ ខែកញ្ញា ឆ្នាំ ២០២៥ នេះ មេទ័ពភូមិភាគ ២ ប៊ុនស៊ីន ផាតក្លាង បានទៅសំណេះសំណាលជាមួយនឹងនិស្សិតជាច្រើននៅសកលវិទ្យាល័យធម្មសាស្រ្ត ដោយមេទ័ពរូបនេះបានរៀបរាប់ជាហូរហែពីដំណើរជីវិតរបស់ខ្លួន និងការចូលនិវត្ត។
ក្នុងនោះ មេទ័ពភាគ ២ បានផ្តាំផ្ញើថា សូមឱ្យប្រជាជនលុបរូបភាពយោធាកាលពីមុនចោលឱ្យអស់ ជាពិសេសគឺការធ្វើរដ្ឋប្រហារ ព្រោះខ្លួនតែនៅខាងប្រជាជន ដូច្នេះហើយកុំសួរថាតើនឹងមានរដ្ឋប្រហារឬអត់ គឺវាមិននៅក្នុងខួរក្បាលរបស់ខ្លួននោះទេ។ ខ្លួនមានមិត្តជាអគ្គមេបញ្ជាការកងទ័ពផ្ទាល់ ដូចនេះគឺហ៊ានអះអាងថា មិនមានរដ្ឋប្រហារទៀតទេ គឺវាផុតសម័យទៅហើយ។
យ៉ាងណាមិញ មេទ័ពភូមិភាគ ២ បានបញ្ជាក់ច្បាស់ៗថា ខ្លួនដាច់ខាតនឹងមិនចូលប្រឡូកក្នុងនយោបាយនោះទេ គឺនៅត្រឹមជាពលរដ្ឋល្អដែលជួយសង្គមជាតិប៉ុណ្ណោះ ហើយក្រោយពីចេញពីតំណែងទៅ ខ្លួនកំពុងរកកន្លែងបដិបត្តិធម៌ហើយ៕
ប្រភព៖ Khaosod
