ជាការពិតណាស់ ក្រោយពីមានការពហិកាក្នុងការឈប់ប្រើប្រាស់ផលិតផលរបស់ប្រទេសថៃនោះ មហាជនក៏បានសង្កេតឃើញតារាប្រុសស្រីជាច្រើន បានបង្ហាញឆន្ទៈចូលរួមក្នុងការមិនផ្សព្វផ្សាយផលិតផលថៃ និង បញ្ចប់កុងត្រានឹងក្រុមហ៊ុនថៃជាបន្តបន្ទាប់ទៀតផង។
លើសពីនោះ អ្វីដែលគួរឱ្យសរសើរ ក៏មានសិល្បករ សិល្បការិនីជាច្រើន បានបង្ហាញទឹកចិត្តចូលរួមក្នុងនាមជាកូនខ្មែរ ដោយប្រកាសទទួលផ្សព្វផ្សាយផលិតផលរបស់ខ្មែរ ដោយមិនគិតថ្លៃថែមទៀតផង។
ងាកមកកាន់តារាចម្រៀង និង តារាសម្តែងលោក បញ្ញា សិទ្ធិ វិញ ក៏មិនខុសពីមិត្តក្នុងសិល្បៈមួយចំនួនទៀតប៉ុន្មានដែរ ដោយលោកតែងតែប្រកាសជារឿយៗ ក្នុងការចូលរួមថតផ្សព្វផ្សាយផលិតផលខ្មែរជូនដោយមិនគិតថ្លៃ ដើម្បីចូលរួមផ្សព្វផ្សាយសេដ្ឋកិច្ចខ្មែរឱ្យកាន់តែរីកចម្រើន។
ជាក់ស្តែង ថ្មីៗនេះ លោក បញ្ញា សិទ្ធិ បានប្រកាសថា៖ «ខ្ញុំសូមប្រកាសសាជាថ្មីម្តងទៀត ខ្ញុំទទួលផ្សព្វផ្សាយ គ្រប់ផលិតផលរបស់កូនខ្មែរដោយគិតតម្លៃ គឺខ្ញុំចូលរួមផ្សព្វផ្សាយឱ្យសេដ្ឋកិច្ចខ្មែរយេីងកាន់តែរីកចម្រើន( សូមនិយាយថា No ចំពោះផលិតផលថៃ) អ្នកណាខ្លះ? ចូលរួមពហិកាជាមួយខ្ញុំ សូមខមិនខាងក្រោម»៕
