ទៅលេងផ្ទះមិត្តយូរៗ លង់ស្រឡាញ់ម្តាយរបស់មិត្ត ចុងក្រោយញ៉ែធ្វើជាប្រពន្ធ ឱ្យមិត្តភក្ដិហៅថាប៉ា

ថ្មីៗនេះ មានគូស្នេហ៍មួយគូ បានទម្លាយប្រវត្តិស្នេហារបស់ខ្លួន ដែលធ្វើឱ្យមានទាំងការសរសើរ និង ការរិះគន់ពេញបណ្តាញសង្គម ព្រោះតែគូស្នេហ៍នេះមានអាយុឃ្លាតគ្នាដល់ទៅ ១៨ ឆ្នាំ។

តាមព័ត៌មានបានឱ្យដឹងថា ខាងប្រុសឈ្មោះ Joshua វ័យ ២៦ ឆ្នាំ គឺជាមិត្តភក្តិរបស់កូនប្រុសខាងស្រីឈ្មោះថា Tanya វ័យ ៤៤ ឆ្នាំ ។ កាលនោះខាងប្រុសបានមកលេងផ្ទះខាងស្រីជាញឹកញាប់ មកក្នុងនាមជាមិត្តរបស់កូនម្ចាស់ផ្ទះ តែខាងប្រុសគ្រាន់តែឃើញខាងស្រីដំបូង ក៏បានលួចចាប់អារម្មណ៍ទៅហើយ តែក៏មិនបង្ហាញអ្វីព្រោះពេលនោះខាងប្រុសក៏មានសង្សារ រីឯខាងស្រីក៏មានស្វាមីដូចគ្នា។ យ៉ាងណាមិញ មិនយូរប៉ុន្មានខាងស្រីក៏បានលែងលះប្តី មួយឆ្នាំក្រោយមកខាងប្រុសក៏បានបែកពីសង្សារដូចគ្នា​ ទើបទាំងគូក៏សម្រេចចិត្តមើលចិត្តគ្នា និង ទាក់ទងគ្នាតាំងពីពេលនោះមក រហូតឈានដល់ការចូលរោងការជាមួយគ្នា។

ដោយឡែក ដំបូងឡើយស្នេហារវាងទាំងគូហាក់មានឧបសគ្គបន្តិច ព្រោះតែខាងប្រុសនៅមានចរិតក្មេងជាង តែក្រោយមកគេក៏បានកែប្រែរហូតដល់អាចចុះសម្រុងជាមួយគ្នាបានយ៉ាងផ្អែមល្ហែម។ យ៉ាងណាក៏ដោយ ខាងប្រុសក៏នៅតែជិតស្និទ្ធជាមួយនឹងមិត្តដូចដើម អាចនិយាយបានថាកាន់តែស្និទ្ធជាងមុន ព្រោះបានក្លាយជាគ្រួសារតែមួយទៅហើយ៕

ប្រភព៖ Khaosod