មហាជនធ្លាប់តាមដានពីជីវិតគ្រួសាររបស់ រាជិនីសំឡេងមាស ម៉េង កែវពេជ្ជតា ច្បាស់ជាបានជ្រាបហើយ ថាអ្នកស្រី នៅមានបងស្រីបង្កើត និង ប្អូនស្រីបង្កើតម្នាក់ទៀត ក៏ជាអតីតអ្នកសិល្បៈដែរ នោះ គឺអ្នកស្រី ម៉េង កែវពេជ្ជបុប្ឋា និង លោកជំទាវ ម៉េង វិមានរតនា។
យ៉ាងណាមិញ ក្រឡេកទៅមើល អតីតតារាចម្រៀង ម៉េង វិមានរតនា ដែលជាប្អូនស្រីរបស់តារាចម្រៀង ម៉េង កែវពេជ្ជតាបានបាត់មុខពីវិស័យសិល្បៈប្រមាណជាជាង១០ឆ្នាំ មកហើយ ក្រោយបានរៀបការសាងគ្រួសារនឹងអ្នកមានមុខមាត់ក្នុងសង្គម និង ក្លាយជាជំទាវ។ យ៉ាងណាមិញ បើទោះជាមិនបានបង្ហាញវត្តមានក្នុងវិស័យសិល្បៈដូចដើម ប៉ុន្តែកន្លងមកមហាជនក៏តែងតែតាមដានជីវិតឯកជនរបស់ ជំទាវ ម៉េង វិមានរតនា តាមរយៈបណ្តាញសង្គមនានាដែរ។
ដោយឡែក មួយរយៈចុងក្រោយនេះ ជំទាវ ម៉េង វិមានរតនា ហាក់ស្ងប់ស្ងាត់លើបណ្តាញសង្គមហ្វេសប៊ុកមួយរយៈ ស្រាប់តែនៅថ្ងៃទី ១៩ ខែកញ្ញា ឆ្នាំ ២០២៥ នេះ អតីតតារាចម្រៀងស្រីត្រកូល ម៉េង រូបនេះ បានបង្ហោះរូបភាពកំពុងសម្រាកព្យាបាលនៅប្រទេសវៀតណាម ធ្វើឱ្យមហាជនមានការព្រួយបារម្ភយ៉ាងខ្លាំង។
ក្នុងនោះដែរ ជំទាវ ម៉េង វិមានរតនា ក៏បានអមនូវសារមួយថា៖ «នឹកប្តី នឹកកូនៗ នឹកចៅៗណាស់ អូន វិមាន អូនវិសាល តិចទៀតម៉ាម៉ាជា បានទៅផ្ទះយើងវិញហើយកូន ម៉ាក់នឹងតស៊ូ ដើម្បើកូនៗ ចៅៗ ទាំងអស់គ្នា ថ្ងៃ ១៩ ០៩ ២០២៥ នៅមន្ទីរពេទ្យ Nam Saigon ប្រទេសវៀតណាម»៕
