មិនសរសើរមិនបាន ជាជនបរទេសមែនពិត តែនាយកប្រតិបត្តិធនាគារ ABA បានបញ្ចេញថ្វីដៃដេញចាប៉ីដងវែងខ្មែរយើងបានយ៉ាងល្អ ជាពិសេសអមនឹងសំនៀងកាព្យឃ្លោងយ៉ាងពីរោះពីព្រះនាងតូច ជេនណា ទៀត កាន់តែធ្វើឱ្យការសម្តែងរឹតតែពិសេសឡើង។ ជាការពិតណាស់ នេះគឺជាទស្សនីយភាពសម្តែងយ៉ាងពិសេសមួយ បង្កើតឡើងដោយធនាគារ ABA សម្រាប់ជាការអបអរសាទរខួប ៨ ឆ្នាំ នៃការដាក់បញ្ចូលចាប៉ីដងវែង ក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូ។
ជាមួយទស្សនីយភាពការសម្តែងចាប៉ីដងវែងនេះដែរ មានការចូលរួមសម្តែងពីសិល្បករ និង ភ្ញៀវពិសេស ៤ រូប គឺ ព្រះនាងតូច ជេនណា, តារាចម្រៀង ថេណា, លោក Askhat Azhikhanov នាយកប្រតិបត្តិធនាគារ ABA និង លោក ដួង សុខគា សិល្បករពហុជំនាញ។ នៅក្នុងវីដេអូ លោក ដួង សុខគា ដែលស្ទាត់ជំនាញលើឧបករណ៍ចាប៉ីដងវែង លោកបានដើរតួជាអ្នកបង្រៀនដេញចាប៉ីផ្ទាល់ទៅកាន់ ព្រះនាងតូច ជេនណា, តារាចម្រៀង ថេណា និង លោក Askhat Azhikhanov។ បន្ទាប់មកលោកនឹងឱ្យអ្នកទាំងបីសម្តែងផ្ទាល់ ដោយមានអ្នកចូលទស្សនា។
ក្នុងនោះ នាយកប្រតិបត្តិធនាគារ ABA ដែលបានរៀនចេះរបៀបដេញចាប៉ីបានយ៉ាងលឿន លោកក៏បានបង្ហាញឧបករណ៍តន្ត្រីបុរាណពីប្រទេសរបស់លោកផងដែរ។ លោកបាននិយាយថា លោកចូលចិត្តចាប៉ីខ្មែរ ព្រោះវាជាការរួមបញ្ចូលគ្នារវាតន្ត្រី និង កាព្យនិទាន។ លោកថានៅកាហ្សាក់ស្ថាន ប្រទេសកំណើតរបស់លោក មានឧបករណ៍តន្ត្រីម្យ៉ាងហៅថា Dombra ដែលសម្តែងច្រៀងអមគ្នានឹងការលេងឧបករណ៍ ស្រដៀងគ្នាទៅនឹងចាប៉ីផងដែរ។ លោកថាចាប៉ីមានសំឡេងប្លែកពិសេស ស្តាប់ហើយមានអារម្មណ៍ស្រស់ស្រាយ។
ឆ្លៀតបន្ថែមនេះដែរ លោកបានបង្ហាញអេប ABA Mobile ជាមួយការរចនាម៉ូដផ្ទាំងអេក្រង់ថ្មី «បេតិកភណ្ឌខ្មែរ» ដែលមានរូបចាប៉ីនៅលើមុខងារសេវាកម្ម។ ការប្រែក្លាយរាល់ប្រតិបត្តិការជាមួយម៉ូដរចនាដ៏មានន័យនេះ នឹងជាការរួមចំណែកមួយក្នុងការផ្សព្វផ្សាយមរតកវប្បធម៌ជាតិដ៏ផូរផង់របស់យើង។
ងាកមកដល់ការឡើងសម្តែងផ្ទាល់វិញ ថ្វីបើជាការដេញចាប៉ីជាលើកទីមួយពិតមែន តែសម្រាប់លោក Askhat Azhikhanov នាយកប្រតិបត្តិធនាគារ ABA ពិតជាធ្វើបានយ៉ាងល្អ និង លេងបានយ៉ាងស្ទាត់ដៃ ដែលនេះបានបង្ហាញពីទេពកោសល្យដ៏ពិសេសមួយរបស់លោក និង ទឹកចិត្តស្រឡាញ់ឧបករណ៍តន្ត្រីខ្មែរបុរាណផងដែរ។
ការដេញចាប៉ីរបស់លោក Askhat Azhikhanov នេះដែរ រឹតតែធ្វើមានការចាប់អាម្មណ៍ថែមទៀត នៅពេលមានព្រះនាងតូច ជេនណា និង តារាចម្រៀង ថេណា បានច្រៀងឆ្លើយឆ្លងគ្នាជាពាក្យកាព្យឃ្លោងឃ្លាពោរពេញដោយអត្ថន័យបំផុតនោះ។
ដូចនេះចង់ដឹងថា ការសម្តែងពិសេសប៉ុនណា សូមទស្សនាដូចខាងក្រោម៖
