ករណីការបាត់បង់ជីវិតរបស់តារា និង អ្នកលក់អនឡាញវ័យក្មេងមួយរូបនៅថៃ បានធ្វើឱ្យមហាជនមានការអាណិតជាខ្លាំង ព្រោះតែនាងខិតខំរកស៊ីខ្លាំងពេក រហូតភ្លេចមើលសុខភាពខ្លួនឯង ហើយធ្លាក់ខ្លួនឈឺមួយភ្លែតសោះ ក៏ស្លាប់បាត់ទៅ។
ចាប់តាំងពីធ្លាក់ខ្លួនឈឺកាលពីខែធ្នូ ឆ្នាំ ២០២៤ កន្លងមក តារា និង អ្នកលក់អនឡាញរូបនេះ បានបង្ហាញឱ្យមហាជនដឹងពីស្ថានភាពជំងឺរបស់នាងជាប្រចាំ។ ក្នុងនោះ នាងបានត្អូញត្អែរពីទុក្ខវេទនារបស់នាងច្រើនណាស់ ដែលដំបូងឡើយនាងចាប់ឈឺដោយជំងឺរលាកកូនកណ្តុរ ហើយក៏មានអាការប្រតិកម្មថ្នាំធ្ងន់ធ្ងរ រហូតរលាកសួតអស់ និង ឆ្លងកាត់ការវះកាត់ជាច្រើនដំណាក់កាល តែជាអកុលនាងក៏បានបាត់បង់ជីវិតទៅកាលពីថ្ងៃទី ២៦ ខែកុម្ភៈ ឆ្នាំ ២០២៥ កន្លងទៅនេះ។
យ៉ាងណាមិញ អ្វីដែលធ្វើឱ្យមហាជនខ្លោចចិត្តនោះ មុននឹងបាត់បង់ជីវិត នាងបានបង្ហាញឱ្យឃើញពីសភាពរាងកាយរបស់នាង ដែលមានទៅដោយស្នាមដំបៅខ្ទុះ ព្រមទាំងឱ្យដឹងយ៉ាងគួរអាណិតថា នាងមិនធ្លាប់គិតថាជីវិតនឹងត្រូវមកជួបការឈឺចាប់វេទនាដល់ថ្នាក់នេះសោះ បើនាងឆ្លងកាត់រឿងនេះបាន តទៅមុខទៀតនាងលែងចង់បានអ្វីហើយ នាងមិនចង់មានបាន មិនចង់មានទ្រព្យមានសម្បត្តិអ្វីទៀតទេ នាងសូមតែជីវិតនាងមកវិញ សូមឱ្យបានឃើញកូនធំធាត់ និង នាងអាចត្រឡប់ទៅមើលថែឪពុកម្តាយនាងបានវិញ ប៉ុណ្ណឹងគឺគ្រប់គ្រាន់ហើយ៕
ប្រភព៖ Kapook
