នៅព្រឹកថ្ងៃទី ២៤ ខែមេសា ឆ្នាំ ២០២៥ នេះ ក្រសួងទេសចរណ៍ បានបញ្ជាក់ឱ្យបានដឹងថា រាជធានីភ្នំពេញ នៃប្រទេសកម្ពុជា បានវ៉ាដាច់ក្រុងធំៗ ក្លាយជាក្រុងលំហែកាយពេលរាត្រីដ៏ទាក់ទាញបំផុតទី ២ នៅលើពិភពលោក តាមរយៈការចាត់ចំណាត់ថ្នាក់ដោយ VISA2FLY។
តាមរយៈក្រសួងទេសចរណ៍ បានឱ្យដឹងថា ចំណាត់ថ្នាក់នេះ គឺទទួលបានបន្ទាប់ពីបើកសាកល្បងដំណើរការផ្លូវថ្មើរជើងចតុម្មុខ នៅរាជធានីភ្នំពេញ ដែលនាំឱ្យរាជធានីនៅកម្ពុជាមួយនេះ បានវ៉ាដាច់ក្រុងធំៗ ក្លាយជាក្រុងលំហែកាយពេលរាត្រីដ៏ទាក់ទាញបំផុតទី ២ នៅលើពិភពលោក។
គួរឱ្យដឹងដែរថា តាមរយៈចំណាត់ថ្នាក់នេះ លេខ១ គឺបានទៅលើក្រុងបាងកក, លេខ ២ រាជធានីភ្នំពេញ, លេខ៣ បាលី, លេខ៤ ឌូបៃ, លេខ ៥ ហូជីមិញ និង បន្តបន្ទាប់ទៀត មានដូចក្នុងតារាងខាងក្រោម ៖
