ទាក់ទងនឹងស្មារតីស្នេហាវិស័យសិល្បៈវប្បធម៌ខ្មែររបស់តារាចម្រៀងស្រី អ្នកនាង ទេព បូព្រឹក្ស កន្លងមកអ្នកនាងតែងទទួលបានការស្ងើចសរសើរខ្លាំងពីមហាជនចំពោះសកម្មភាពជួយផ្សព្វផ្សាយលើកស្ទួយពីវប្បធម៌ អរិយធម៌ខ្មែរ តាមរយៈស្នាដៃ MV បទចម្រៀង ក៏ដូចជារូបភាពផ្សេងៗបង្ហាញលើបណ្ដាញសង្គម។
លើសពីនេះ តារាចម្រៀងស្រី ទេព បូព្រឹក្ស ក៏តែងពាំនាំនូវទម្រង់សិល្បៈវប្បធម៌ជាច្រើនទៅបង្ហាញនូវក្រៅប្រទេស តាមរយៈកម្មវិធីអន្តរជាតិផ្សេងៗឱ្យពិភពលោកបានស្គាល់ពីសម្បត្តិវប្បធម៌កម្ពុជាកាន់តែច្បាស់ដែរ។
ជាក់ស្ដែង ថ្មីៗនេះ តារាចម្រៀងស្រី ទេព បូព្រឹក្ស ក៏បានបង្ហាញសកម្មភាពដំណើរកម្សាន្តលើទឹកដីអង្គរជាមួយក្រុមគ្រួសារ ដែលអ្នកនាងក៏មិនភ្លេចផ្សព្វផ្សាយពីវប្បធម៌ខ្មែរ ដោយបានតុបតែងខ្លួនលាបសគ្រងគ្រឿងជានារីរបាំព្រះរាជទ្រព្យទម្រង់ ១០០ ឆ្នាំ ថតនៅប្រាសាទអង្គរវត្តយ៉ាងស្រស់ស្អាតព្រឺសម្បុរផងដែរ៕
សូមចុចទីនេះដើម្បីទស្សនាវីដេអូ៖
