ទើបចេញបាន ៣ ថ្ងៃ MV ថ្មីរបស់ សុវត្ថិ មុនីវណ្ណ ផ្ទុះការចាប់អារម្មណ៍ដល់ស្រទាប់យុវវ័យ

តារាចម្រៀងពន្លកថ្មី សុវត្ថិ មុនីវណ្ណ គឺជាកូនប្រុសច្បងរបស់ឧកញ៉ា ព្រាប សុវត្ថិ មានទាំងរូបសម្រស់ស្រស់សង្ហា ព្រមទាំងមានទេពកោសល្យខ្លាំងទៅលើផ្នែកសិល្បៈទាំងការរាំ និង ការច្រៀង ជាពិសេសអ្នកកំលោះរូបនេះ ចេះទាំងរ៉េបថែមទៀតផង ដោយបច្ចុប្បន្នជាតារាចម្រៀងនៅក្នុងផលិតកម្ម កាឡាក់ស៊ី ណាវ៉ាត្រា។

ដោយឡែក កាលពីថ្ងៃទី ៣០ ខែកក្កដា ឆ្នាំ ២០២៣ កន្លងទៅ តារាចម្រៀងវ័យក្មេងសម្បូរដោយប្រជាប្រិយភាពរូបនេះ បានបញ្ចេញនូវបទចម្រៀងថ្មីរបស់ខ្លួនដែលមានចំណងជើងថា «Don’t Compare» ដោយបទនេះដែរ ជាចង្វាក់រ៉េបបែបសម័យថ្មី។

ទន្ទឹមនឹងបង្ហាញស្នាដៃថ្មីជាចង្វាក់រ៉េបនេះ គេឃើញថាមានការពេញចិត្តពីមហាជនអ្នកគាំទ្រជាច្រើន និង ផ្ទុះសរសើរពីសមត្ថភាពរបស់អ្នកកំលោះ មុនីវណ្ណ ដែលមានដុងផ្នែកសិល្បៈ មានទាំងរូបសម្រស់សង្ហា ហើយច្រៀងក៏ពីរោះទៀត៕